छत्तीसगढ़क बीजापुर आ कांकेरमे सुरक्षाबलक काल्हि (वृहस्पति दिन) पैघ सफलता भेटल। बीजापुर आ कांकेरमे सुरक्षाबलक अलग-अलग मुठभेड़मे 22 नक्सलीकेँ मारि देलक अछि। हालाँकि, एहि कार्यवाहीक दौरान एक जवान शहीद भेल।
सुरक्षाबल मुठभेड़ स्थलसँ भारी मात्रामे हथियार आ गोला-बारूद सेहो बरामद कयलक। इलाकामे सर्च ऑपरेशन जारी अछि।
गृह मंत्री अमित शाह सोशल मीडिया प्लेटफार्म एक्स पर लिखलनि जे ‘नक्सल मुक्त भारत अभियान’मे सुरक्षाबलकेँ पैघ सफलता भेटल अछि। मोदी सरकार नक्सलीकेँ खिलाफ रुथलेस अप्रोचसँ आगू बढ़ि रहल अछि आ समर्पणसँ ल क’ समावेशन केर सभ सुविधाक बावजूद जे नक्सली आत्मसमर्पण नहि कऽ रहल अछि, ओकर खिलाफ जीरो टॉलरेंस नीति अछि। नक्सलीसँ अगिला वर्ष 31 मार्चसँ पहिने देश नक्सल मुक्त रहत।
छत्तीसगढ़क मुख्यमंत्री विष्णु देव कहलनि जे दु टा अलग-अलग नक्सली संग मुठभेड़मे एक ठाम 18 नक्सलीक डेड बॉडी भेटल अछि आ दोसर ठाम चारि। हम अपन सुरक्षाबलक जवानक साहस केर नमन करैत छी। हमार जवान निरंतर बहुत मजबूती संग लड़ाई लड़ि रहल छथि। गृह मंत्रीक संकल्प अछि जे मार्च 2026 तक देशसँ नक्सलवाद कए समाप्त करबाक अछि। एही पर बहुत तेजीसँ काज चलि रहल अछि। गृह मंत्रीक संकल्प पूरा होयत।
