बिहार सरकार उर्दू भाषाक प्रचार-प्रसार लेल एकटा पैघ पहल करय जा रहल अछि। सरकार आब विभागक कर्मचारी आ अधिकारीसभकेँ उर्दू प्रशिक्षण देत। सरकारी विभागमे हिन्दी आ अंग्रेजीक संग उर्दूमे काजकेँ सुविधाजनक आ सरल बनाबय लेल बिहारक नीतीश सरकार एकटा पैघ घोषणा कयलक अछि। सरकार आब विभागक कर्मचारी आ अधिकारीसभकेँ उर्दूमे प्रशिक्षित करत, जाहिसँ सरकारी काज उर्दूमे सेहो कयल जा सकय।
उर्दू सीखबाक प्रशिक्षण सत्र ८ अप्रैलसँ शुरू होयत। विभागसँ जुड़ल लोककेँ उर्दू सीखय पड़त। सरकार अधिकारी सहित विभिन्न विभागसँ जुड़ल लोकसभसँ उर्दू सीखबाक आह्वान कयलक अछि। नीतीश सरकारक कैबिनेट सचिवालय सरकारी कर्मचारी आ अधिकारीक संग साहित्य, कानून, शिक्षा, सामाजिक कार्य आ पत्रकारितासँ जुड़ल लोकसभसँ उर्दू सीखबाक आग्रह कयलक अछि। प्रशिक्षण सत्र सेहो ८ अप्रैलसँ शुरू होयत आ ७० दिन धरि प्रतिदिन दू घंटा उर्दू पढ़ाओल जायत।
कैबिनेट सचिवालय विभागक उर्दू निदेशालय घोषणा कयलक अछि जे केन्द्रीय वा राज्य कार्यालयमे काज करयवला कर्मचारी-अधिकारी जे उर्दू नहि जानैत छथि आ भाषा सीखय चाहैत छथि, हुनका तैयार भऽ जेबाक चाही। हुनका लोकनिकेँ उर्दू ज्ञानक प्रशिक्षण देल जायत। उर्दूक लेल प्रशिक्षण सत्र ८ अप्रैलसँ शुरू होयत। सरकारक एहि पहलसँ ओहि आम लोककेँ सरकारी काज करबामे सुविधा भेटत जे मात्र उर्दू भाषा जानैत छथि।
ई प्रशिक्षण छुट्टी छोड़ि प्रत्येक सोम, मंगल, बुध आ बृहस्पति दिन १ बजे सँ ३ बजे धरि आयोजित कयल जायत। उर्दू प्रशिक्षण लेबयमे रुचि रखनिहार सरकारी कर्मचारी अपन आवेदन ऑनलाइनक संग-संग उर्दू निदेशालयकेँ हिन्दी भवनक पता पर भेजि सकैत छथि। गैर-सरकारी व्यक्ति अपन आवेदन सीधा मेल वा डाक पतापर पठा सकैत छथि।
