जदयू नेता अभिषेक झा कहलनि कि एनडीए गठबंधनक सब नेताकेँ विशेष आभार जे पूरा चुनाव प्रक्रियामे सहयोग नहि कयलथि।
बिहार विधान परिषदक तिरहुत स्नातक निर्वाचन क्षेत्रक उपचुनावमे जेडीयू केर हारिक बाद एनडीएमे हंगामा भ गेल अछि। नीतीश कुमारक पार्टीक उम्मीदवार आ प्रवक्ता अभिषेक झा मोर्चा खोलि देलनि अछि।ओ हारिक लेल षड्यंत्रकेँ दोषी ठहरौलनि।
ई जेडीयू केर सीट छल। देवेश चन्द्र ठाकुर एमएलसी छलाह। ओ सीतामढ़ीसँ जेडीयू सांसद बनलाह। तखनि उपचुनाव भेल। जेडीयू अभिषेक झाकेँ उम्मीदवार बनेलक। ओ राजगक उम्मीदवार छलाह आ चारिम स्थान पर रहलाह।
जदयू नेता अभिषेक झा आरोप लगओलनि, “भीतरघात भेल अछि। विश्वासघात भेल अछि। हमरा खिलाफ षड्यंत्र छल, षड्यंत्र छल। हुनका सभकेँ धन्यवाद जे षड्यंत्र कयलक आ धोखा देलक, कारण एहिसँ बहुत सीख भेटल। एनडीए गठबंधनक ओहि सभ नेताक विशेष आभार जे पूरा चुनाव प्रक्रियामे सहयोग नहि कयलनि। विरोध कएलक। हमर फोन लेनाइ सेहो उचित नहि समझल गेल। ओ पार्टी फोरममे अपन बात रखताह। हमरा उम्मीदवार बनेबाक लेल पार्टीकेँ धन्यवाद।”
