चुनाव

दिल्ली विधानसभा चुनाव लेल ‘आप’ जारी कयलक उम्मीदवारक दोसर सूची

नई दिल्ली
*

आम आदमी पार्टी (आप) आगामी दिल्ली विधानसभा चुनावक लेल सोमदिन अपन उम्मीदवारक दोसर सूची जारी कयलक। पार्टी दोसर सूचीमे २० उम्मीदवारक नामक घोषणा कयलक अछि। खास बात ई अछि जे आम आदमी पार्टी पूर्व उपमुख्यमंत्री मनीष सिसोदियाक सीट बदलि देलक अछि। एहि बेर पार्टी हुनका पटपड़गंजक बदला जंगपुरासँ मैदानमे उतारलक अछि। दोसर दिसि आम आदमी पार्टी पटपड़गंजसँ हालहिमे आम आदमी पार्टीमे शामिल भेल अवध ओझाकेँ टिकट देलक अछि।

अन्य उम्मीदवारमे नरेलासँ दिनेश भारद्वाज, तिमारपुरसँ सुरेन्द्र पाल सिंह बिट्टू, आदर्श नगरसँ मुकेश गोयल, मुंडकासँ जसबीर कारला, मंगोलपुरीसँ राकेश जाटव धर्मरक्षक, रोहिणीसँ प्रदीप मित्तल आ चांदनी चौकसँ पुनर्दीप सिंह साहनी (सेबी) केँ टिकट देलक अछि।

ओतहि पटेल नगरसँ प्रवेश रतन, मादीपुरसँ राखी बिड़ला, जनकपुरीसँ प्रवीण कुमार, बिजवासनसँ सुरेंद्र भारद्वाज, पालमसँ जोगिंदर सोलंकी, जंगपुरासँ मनीष सिसोदिया, देवलीसँ प्रेम कुमार चौहान, त्रिलोकपुरीसँ अंजना पारछा, पटपड़गंजसँ अवध ओझा, कृष्णा नगरसँ विकास बग्गा, गांधी नगरसँ नवीन चौधरी (दीपू), शाहदरासँ पद्मश्री जितेंद्र सिंह शंटी आ मुस्तफाबादसँ आदिल अहमद खानकेँ अपन उम्मीदवार बनेलक अछि।

एहिसँ पहिने आम आदमी पार्टी नवंबरमे अपन पहिल लिस्ट जारी कयने छल, जाहिमे ११ प्रत्याशीकेँ नामक घोषणा कयने छल। एहिमे आम आदमी पार्टी छतरपुरसँ ब्रह्म सिंह तंवर, लक्ष्मी नगरसँ बीबी त्यागी, किराड़ीसँ अनिल झा, विश्वास नगरसँ दीपक सिंघला, रोहतास नगरसँ सरिता सिंह ,बदरपुरसँ राम सिंह, सीलमपुरसँ जुबैर चौधरी , सीमापुरीसँ वीर सिंह धींगान, घोंडासँ गौरव शर्मा, करावल नगरसँ मनोज त्यागी, मटियालासँ सोमेश शौकीनकेँ टिकट देने छल।

Spread the love

Leave a Reply

Your email address will not be published. Required fields are marked *