लोक जनशक्ति पार्टी (राम विलास) सुप्रीमो चिराग पासवान सोमदिन स्पष्ट कयलनि जे तिरहुत स्नातक निर्वाचन क्षेत्रमे राजगकेँ पूरा समर्थन अछि। चिराग पासवान जदयू उम्मीदवार अभिषेक झाकेँ संग संयुक्त प्रेस कॉन्फ्रेंस करैत कहलनि कि हमर पार्टी एनडीए समर्थित उम्मीदवार अभिषेक झाकेँ जीतेबा लेल पूरा दृढ़ संकल्पित अछि।
पार्टीक पूर्व उपाध्यक्ष राकेश रोशन तिरहुत निर्वाचन क्षेत्रसँ निर्दलीय उम्मीदवारक रूपमे चुनाव लड़ि रहल छथि। आ चर्चा भऽ रहल छल जे हुनका लोजपा राम विलाससँ पूरा समर्थन भेटि रहल अछि, मुदा आइ चुनावसँ ३ दिन पहिने चिराग पासवान सभ अटकलबाजी पर विराम लगा देलनि अछि। चिराग पासवान कहलखिन जे आइ ई बात कहब जरूरी छल जाहिसँ कियो भ्रमित नहि होय।
ओ कहलनि जे हम अपन सभ कार्यकर्ता, समर्थक आ मतदाता सभसँ अपील करैत छी जे हमर पार्टी एनडीएमे शामिल अछि। एनडीए समर्थित उम्मीदवार अभिषेक झाकेँ भारी अंतरसँ जीतेबाक अछि। “जँ राकेश रोशन हमर पार्टी, हमर बैनर वा हमर नाम बेचैत छथि तऽ हम हुनकर खिलाफ कारवाई करब। हम अभिषेक झाकेँ समर्थन करैत छी। चिराग पासवान कहलनि जे एनडीए पर जनताक विश्वास बढ़ल अछि।
विपक्षक माध्यमसँ अलग-अलग बात कहल जाइत अछि। लोकसभा चुनावक दौरान सेहो विपक्ष बड़का बात कहलक जे ओ हैसियत देखाबथि, मुदा की भेल ? लोकसभाक बाद भेल चारि विधानसभा क्षेत्रक उपचुनावक परिणाम सेहो आयल आ एकर गणित बुझबा योग्य अछि। एतय बेलागंजमे एकटा व्यक्तिक अधिपतिमे वर्चस्व छल। हम लोकसभामे आ उपचुनावमे सेहो राजगक सभ दलमे जोरदार चुनाव लड़लहुँ आ एकर लाभ भेल। एकर आओर फायदा होयत आ २०२५ केर परिणाम सेहो विपक्ष देखि लेत।
