बिहारमे भाजपा सांसद प्रदीप कुमार सिंहक बयानक विरूद्ध जनताक गुस्सा भड़कि उठल। सैकड़ो लोक लाठी लऽ कऽ सड़क पर उतरि गेलाह। चौराहा पर आगि लगा देल गेल आ तोड़फोड़ कएल गेल अछि।
बिहारक अररियामे भाजपा सांसद प्रदीप कुमार सिंहक विरुद्ध विरोध प्रदर्शन जारी अछि। सांसदक एकटा बयान पर विवाद भेल अछि। एकर विरोधमे बृहस्पति दिन शहरक मुख्य चौक पर भारी संख्यामे युवा हाथमे लाठी लऽ कऽ जमा भेलाह। ओ सभ टायर जराकऽ लगभग ५ घंटा धरि सड़क अवरुद्ध कऽ देलनि।
आक्रोशित युवक सभ सांसदक विरुद्ध नाराबाजी करैत रहलाह आ सांसदसँ माफी मांगबाक माँग कयलनि। आक्रोशित युवक सभ सड़क पर उतरि गेल आ भाजपा सांसदक बैनर पोस्टरवाला गेट तोड़ि देलक। बहुत प्रयासक बाद पुलिस लोकसभकेँ हटा देलक आ जाम खोलि देलक।
भाजपा सांसद प्रदीप कुमार सिंह बुधदिन अपन विवादास्पद बयान पर स्पष्टीकरण देलनि।सांसद कहलनि, ओ हिन्दूसभकेँ एकजुट होयबाक लेल कहने छलथि, मुसलमानसभकेँ हिन्दू बनयबाक बात नहिं कहने छलथि। राजद हुनकर बयान पर कड़ा आपत्ति जतौलक अछि।
राष्ट्रीय जनता दल (राजद) प्रदीप सिंहक बयानक विरोध कयलक अछि। राजद नेता आ पूर्व उपमुख्यमंत्री तेजस्वी यादव सोशल मीडिया प्लेटफॉर्म एक्स पर वीडियो शेयर करैत लिखलनि, “एहि देशक माटि आ आजादीमे सबहक योगदान अछि। हम सबके आश्वस्त करैत छी जे जा धरि हमर सांस अछि। जे कियो बिहारकेँ साम्प्रदायिकताक आगिमे झोंकत, हम ओकर खिलाफ अडिग रहब।”
