एहि साल ७८म स्वतंत्रता दिवसक तैयारी अंतिम चरणमे अछि। एहेन स्थितिमे एहि बेर स्वतंत्रता दिवसकेँ आओर विशेष बनाबय लेल रक्षा मंत्रालय पूरा भारतसँ पीएम श्री विद्यालय केर १०० बच्चाकेँ लाल किला पर आयोजित होबय वाला “स्वतंत्रता दिवस समारोह” केर साक्षीक लेल आमंत्रित कयलक अछि जाहिमे हुनकर माता-पिता आ शिक्षकक संग ‘विशेष अतिथि’क रूपमे शामिल करल गेल अछि।
शिक्षा मंत्रालयक निर्देशक अनुसार राजस्थान राज्यक ६ छात्र आ ६ शिक्षकक टीमकेँ १३ अगस्त केर शासन सचिव स्कूल शिक्षा कृष्ण कुणाल आ राज्य परियोजना निदेशक एवं आयुक्त अविचल चतुर्वेदी द्वारा टीमक प्रत्येक सदस्यकें तिरंगा झंडा भेंट कए भेजल गेल छल। एहि अवसर पर कुणाल आ चतुर्वेदी स्वतन्त्रता दिवसक अवसर पर नई दिल्लीमे आयोजित राष्ट्रीय समारोहमे विशिष्ट अतिथि बनबाक लेल टीमक सदस्यसभकेँ बधाई देलनि। ओ कहलनि जे टीमक सदस्य भारतक स्वतन्त्रताक यात्रा आ ओकर महत्वकेँ एकटा अद्वितीय परिप्रेक्ष्यसँ जानबामे सक्षम होयत। एहिमे छात्र लोकनि नहिं केवल भारतक इतिहास आ धरोहरक ज्ञानसँ समृद्ध होयत बल्कि राष्ट्रीय पहिचान आ गौरवक भावनाकेँ सेहो मजबूत करत।
स्वतन्त्रता दिवस पर आबयवला छात्रसभक चयन हुनक शैक्षणिक उत्कृष्टता आ उल्लेखनीय गतिविधिसभमे सक्रिय भागीदारीक आधारपर कयल गेल अछि। देश भरिक छात्र आ हुनक मार्गदर्शककेँ आमंत्रित करबाक लेल केन्द्रीय शिक्षा मंत्रालयक पहलक उद्देश्य प्रतिभाशाली छात्रसभकेँ प्रेरित करब आ देशक भविष्यमे हुनक योगदानकेँ मान्यता देनाइ अछि।
नई दिल्लीमे स्वतन्त्रता दिवस समारोहमे देशभरिसँ चयनित छात्रसभक उपस्थिति राष्ट्रीय गौरव आ एकताक प्रतीक अछि। ई रूपरेखा अगिला पीढ़ीक नेताक पोषण आ मार्गदर्शनमे शिक्षक आ अभिभावक द्वारा निभाओल गेल महत्वपूर्ण भूमिकाक मान्यताक रूपमे सेहो काज करैत अछि। भारतक समृद्ध इतिहास, संस्कृति आ शैक्षिक उत्कृष्टतासँ परिचित भेलासँ युवा मस्तिष्क पर स्थायी प्रभाव पड़त।
