मतदान अधिकारसँ वंचित करब लोकतंत्र पर हमला : थरूर
तिरुवनंतपुरम । समदिया
कांग्रेस सांसद शशि थरूर कहलनि जे भारतीय नागरिककेँ हुनकर लोकतांत्रिक आ संवैधानिक मतदान अधिकारसँ वंचित करब एकटा गंभीर साजिश अछि। एकरा उजागर कऽ समाप्त करबाक आवश्यकता अछि।
थरूर कहलनि जे मतदानक अधिकार नहि रखनिहार किछु लोक मतदान कऽ लैत अछि, तकर अपेक्षा ई बेसी महत्वपूर्ण अछि जे योग्य नागरिक अपन मताधिकारसँ वंचित नहि होथि। हुनक अनुसार, पैघ संख्यामे मतदाताकेँ मतदानसँ रोकब लोकतंत्र पर गंभीर हमला होयत।
ई टिप्पणी चुनाव आयोगक दू चुनाव आयुक्त द्वारा महत्वपूर्ण निर्णयसभ पर आपत्ति जताओल गेलाक रिपोर्टक बाद आयल अछि। हालांकि निर्वाचन आयोग कहलक जे मसौदा चरणमे उठाओल गेल प्रश्न आ सुझाव सामान्य प्रशासनिक एवं निर्णय प्रक्रियाक हिस्सा छल।
थरूर कहलनि जे एहि मुद्दापर कांग्रेस कार्य समिति (सीडब्ल्यूसी)क बैठकमे गंभीर चर्चा होयत।
