विपक्षकेँ चुनाव प्रक्रियासँ दिक्कत तऽ चुनावे लड़ब छोड़य केर चाही : चिराग पासवान
पटना । समदिया
लोक जनशक्ति पार्टी (रामविलास) प्रमुख आ केंद्रीय मंत्री चिराग पासवान कहलनि जे चुनाव आयोग आ एसआईआर (विशेष गहन पुनरीक्षण) केँ लऽ कऽ विपक्ष द्वारा लगाओल जा रहल आरोप निराधार अछि। हुनकर कहब अछि जे विपक्ष लगातार चुनाव प्रक्रिया पर भ्रम उत्पन्न करबाक प्रयास कऽ रहल अछि।
चिराग पासवान कहलनि जे जँ विपक्षकेँ चुनाव प्रक्रिया पर आपत्ति अछि तँ ओकरा चुनाव लड़बाक फैसला पर सेहो विचार करबाक चाही। हुनकर अनुसार, विपक्ष पहिने ईवीएम पर सवाल उठबैत छल आ आब एसआईआर आ चुनाव प्रक्रियाकेँ मुद्दा बना रहल अछि। हुनकर आरोप अछि जे विपक्ष अपन पक्षमे परिणाम अयला पर चुनाव प्रक्रिया पर सवाल नहि उठबैत अछि।
केंद्रीय मंत्री कहलनि जे चुनाव आयोग विपक्ष द्वारा उठाओल गेल सवालक जवाब दऽ चुकल अछि, मुदा एकर बादो विपक्षी नेता लगातार भ्रम पसारि रहल छथि।
पी चुनाव लेल 403 सीट पर तैयारी
उत्तर प्रदेश विधानसभा चुनावक संबंधमे चिराग पासवान कहलनि जे लोक जनशक्ति पार्टी (रामविलास) चुनाव लड़बाक लेल पूरा तरह तैयार अछि। पार्टी 403 सीट पर तैयारी कऽ रहल अछि। गठबंधन होएत वा पार्टी अकेले चुनाव लड़त, एहि पर अंतिम निर्णय बादमे होएत। मुदा पार्टी उत्तर प्रदेशमे मजबूतीसँ चुनाव लड़बाक तैयारीमे जुटल अछि।
