मीसा भारतीक खिलाफ भाजपा नेत्री दर्ज करौलनि प्राथमिकी

जमुई केर पीड़ित नाबालिगक पहिचान सार्वजनिक करबाक आरोप

पटना । समदिया

जमुई छेड़खानी प्रकरणकेँ लऽ कऽ राजद आ भाजपामे आरोप-प्रत्यारोप तेज अछि। एहि बीच भाजपा नेत्री शीला पंडित राजद सांसद मीसा भारतीक खिलाफ सचिवालय थानामे प्राथमिकी दर्ज करौलनि अछि।

शीला पंडित आरोप लगौलनि जे जमुई प्रकरणक पीड़ित नाबालिग बच्ची आ ओकर परिवारक तस्वीर सोशल मीडिया पर सार्वजनिक कएल गेल। आवेदनमे पॉक्सो एक्टक धारा 23 आ जुवेनाइल जस्टिस एक्टक धारा 74 केर उल्लंघनक आरोप लगाओल गेल अछि। ओ डिजिटल साक्ष्य सुरक्षित राखि निष्पक्ष जांच करबाक मांग कएने छथि।

एहिसँ पहिने मीसा भारती सेहो नाबालिगक पहिचान सार्वजनिक कएल गेल कहैत मुख्यमंत्री सम्राट चौधरीक खिलाफ प्राथमिकी दर्ज करबाक मांग कएने छलथि। एहि मामिलापर राजद प्रदेश अध्यक्ष मंगनीलाल मंडल सेहो कार्रवाईक मांग कएने छथि।