अपराध मुजफ्फरपुरमे युवककेँ पीटि-पीटि कऽ हत्या, परिवारक लोक शवक संग कयलक हंगामा Maithil Punarjagran Prakash June 5, 2024 0 Comments मुजफ्फरपुर समदिया * मिथिला क्षेत्रीय बिहारक मुजफ्फरपुरक अहियापुर थाना क्षेत्रक मुस्तफापुरमे एकटा व्यक्तिक पीट-पीट कऽ हत्या कऽ देल गेल। मृत शरीरकेँ लऽ कऽ पीड़ितक परिवार अभियुक्तक घरपर हंगामा कयलक। सूचना भेटलाक बाद अहियापुर थानाक पुलिस घटनास्थल पर पहुँचल आ हुनका सभकेँ शान्त कयलक। कहल गेल जे रवि दिन साँझ मुस्तफापुरक विजय राय आ मुकेश रायक पिता चण्डेश्वर रायसँ लेनदेनक मामला पर विवाद भेल छल। विजय राय, देवेन्द्र राय आ जलेसी देवीकेँ मारि-पीट कऽ घायल कऽ देल गेल। तीनू घायलकेँ एसकेएमसीएचमे भर्ती कयल गेल छल, जतय विजयक हालत गम्भीर बतायल गेल छल। विजयक मृत्यु सोमदिन राति इलाजक क्रममे भऽ गेल। एकर बाद परिजन मृत शरीर लऽ कऽ आरोपीक घर पहुँचल। पुलिस घटनास्थल पर पहुंचि मामिलाकेँ जांच केलक। पुलिस पूछताछमे विजय रायक मामा राजेश राय कहलनि जे पैसाक लेनदेनक विवादमे हुनका पीट-पीट कऽ मारि देल गेल। अहियापुर थानाक प्रभारी रोहन कुमार कहलनि जे पीड़ित परिवारसँ आवेदन नहिं भेटल अछि। आवेदनक आधार पर प्राथमिकी दर्ज कयल जायत आ आगू कारवाई कयल जायत। Spread the love