उत्तर प्रदेशक मुख्यमंत्री योगी आदित्यनाथ केर अगुवाईमे प्रदेश सरकार युवा लोकनिक भविष्यकेँ सशक्त बनेबामे निरंतर कार्य कऽ रहल अछि। एहि कड़ीमे जेवर एयरपोर्ट आ नोएडा फिल्मसिटी जकाँ मेगा प्रोजेक्ट सभकेँ आधार बनाक’ सरकार युवा लोकनिक लेल व्यापक स्तर पर कौशल प्रशिक्षण कार्यक्रम चला रहल अछि। एकर लक्ष्य प्रदेशक युवाकेँ एहि परियोजना सभमे अधिकतम रोजगार उपलब्ध करायब अछि।
उत्तर प्रदेश कौशल विकास मिशन (यूपीएसडीएम) केर माध्यमसँ सरकार इलेक्ट्रॉनिक्स, मीडिया आ मनोरंजन, एवं नागरिक उड्डयन जेकाँ उभरैत क्षेत्र सभमे विशेष प्रशिक्षणक व्यवस्था क’ रहल अछि। एहि सेक्टर्समे भविष्यक संभावनाकेँ देखैत युवा लोकनिककेँ ‘रेडी टू वर्क’ बनाबय लेल सेक्टर स्किल काउंसिल्स केर सहयोगसँ विशेष प्रशिक्षण कार्यक्रम संचालित क’ रहल अछि।
जेवर एयरपोर्ट परियोजनासँ एक लाखसँ बेसी लोककेँ रोजगार भेटय केर संभावना जताओल जा रहल अछि, जखनिकि नोएडामे विकसित होइत फिल्मसिटी प्रदेशकेँ मनोरंजन उद्योगक हब बनाओत। एहिसँ मीडिया, चलचित्र उत्पादन आ तकनीकी क्षेत्रमे युवाक लेल रोजगारक नवीन द्वार खुलत। सरकारक ई रणनीति नहिं मात्र प्रदेशक जीडीपीकेँ मजबूती देत, बल्कि ग्रामीण क्षेत्रसँ शहरी क्षेत्र दिसि होमय वला पलायनमे सेहो कमी आनत।
उत्तर प्रदेश कौशल विकास मिशनक तहत 14 सँ 35 वर्षक आयु वला युवाकेँ नि:शुल्क आ रोजगारोन्मुखी प्रशिक्षण देल जा रहल अछि। राज्यक 2,800 सँ अधिक प्रशिक्षण केन्द्रमे प्रतिवर्ष तीन लाखसँ अधिक युवाकेँ प्रशिक्षित करैत अछि। वित्त वर्ष 2017-18 सँ मार्च 2025 धरि कुल 14,13,716 युवाकेँ प्रशिक्षण देल गेल अछि, जाहिमे सँ 5,66,483 केँ रोजगार सेहो भेटल अछि।
एतबे नहि, प्रदेश सरकार उत्पादन आ सेवा क्षेत्रसँ जुड़ल 24 प्रमुख औद्योगिक प्रतिष्ठान केर फ्लैक्सी प्रशिक्षण प्रदाताक रूपमे अनुबंधित कयलक अछि। एकर अतिरिक्त, आठ प्लेसमेंट एजेंसी सेहो मिशन संग जोड़ल गेल अछि, ताकि युवाक प्रशिक्षणक बाद सिधा रोजगार उपलब्ध कराओल जा सकय। मुख्यमंत्री योगी आदित्यनाथक ई पहल प्रदेशक युवाक आत्मनिर्भर बनेबाक दिशामे मीलक पत्थर साबित भ’ रहल अछि। सरकारक स्पष्ट लक्ष्य अछि – प्रत्येक युवाकेँ हुनक कौशलक अनुसार उपयुक्त रोजगार उपलब्ध करायब आ उत्तर प्रदेशकेँ कौशल संपन्न राज्यक रुपमे स्थापित करब।
