दरभंगा पूर्वी जिला महिला मोर्चाक अध्यक्ष निभा देवीक अध्यक्षतामे गौड़ाबोराम विधानसभाक विभिन्न पंचायत सभमे प्रवासी दीदी सबहक एकटा कार्यक्रम कयल गेल । निभा देवी एनडीए सरकारक योजना सभक विस्तारपूर्वक बताबैत सरकार द्वारा महिला सशक्तिकरण पर विशेष प्रभाव डालैत ई बतेलनि जे एनडीए सरकार महिला सबहक सम्मान आ राजनीतिक भागीदारी लेल प्रतिबद्ध अछि ।
एहि केर संगहि महिला सभकेँ ई संदेश देलन्हि जे आहां सभ बढ़ि चढ़िकय राजनीतिक सहभागितामे प्रतिभागी बनैत जाइत जाउ , कियैक की सरकार द्वारा महिलाकेँ पंचायती राज व्यवस्थामे चुनाव लड़बाक लेल 50% आ विधानसभा लोकसभा चुनाव लेल 33% केर आरक्षण केर व्यवस्था बहाल कयल गेल अछि । ऐहेन सन स्थितिमे मातृ शक्ति मजबूतीसँ प्रतिनिधित्व करय हेतु अग्रसर होथि।
प्रवासी दीदी काजल प्रधान आ रुकमिला सरकारक विभिन्न योजना सभ केर बारेमे बताबैत एनडीए सरकारकेँ वोट देबाक अपील कयलन्हि । कार्यक्रममे मंडल अध्यक्ष काली प्रसाद , प्रभारी जानकी कुमारी , बाबत कुमारी सहित दर्जनो कार्यकर्ता उपस्थित छलथि ।
