संघ लोक सेवा आयोग (यूपीएससी) रविदिन सिविल सेवा २०२४क प्रारंभिक परीक्षा दू पालीमे आयोजित कयलक अछि। सिविल सेवाक लेल यूपीएससी परीक्षामे तीन चरण होइत अछि, प्रारंभिक परीक्षा, मुख्य परीक्षा आ साक्षात्कार।
रविकेँ प्रारंभिक परीक्षामे पहिल पाली भोर ९:३० बजे सँ ११:३० बजे धरि छल। दोसर पालीक परीक्षा दुपहरिया २:३० बजे सँ ४:३० बजे धरि।
परीक्षा केंद्र पर सख्त सतर्कता बरतल गेल अछि। अभ्यर्थी कोनो परीक्षा केंद्र पर इलेक्ट्रॉनिक उपकरण नहिं आनि सकैत छथि। कतेको केन्द्रमे पर्यवेक्षकक सङ्ग मजिस्ट्रेट सेहो नियुक्त कयल गेल छल। स्थानीय निरीक्षण अधिकारी सेहो तैनात कयल गेल छल।
परीक्षा केन्द्रमे डिजिटल घड़ी, मोबाइल फोन, कोनो तरहक ब्लूटूथ उपकरण, माइक्रोफोन, हेडफोन, इयरफोन सन सभ उपकरण पर प्रतिबंध छल।
उल्लेखनीय अछि जे पहिने यूजीसी-नेट परीक्षा सेहो १६ जून (रविवार) केँ होबयवला छल। मुदा, बादमे परीक्षाक तिथि बदलि देल गेल। परीक्षा आब १८ जून २०२४ (मंगलवार) केँ आयोजित कयल जा रहल अछि।
यूजीसीक अनुसार, यूपीएससी परीक्षाक कार्यक्रमकेँ देखैत परीक्षाक तिथिमे बदलाव कयल गेल अछि। राष्ट्रीय परीक्षण एजेंसी (एनटीए) आ यूजीसी अभ्यर्थी सभसँ प्राप्त फीडबैकक आधार पर यूजीसी-नेटकेँ १६ जून (रविवार) सँ १८ जून (मंगलवार) मे स्थानांतरित करबाक निर्णय लेने छल।
