जिला प्रशासन 7 मई केर होबय वाला मधेपुरा लोकसभा चुनावक अंतिम तैयारी पूर्ण कऽ रहल अछि। एहि केर अंतर्गत वृहस्पति दिनसँ अनुग्रह नारायण सिंह हाई स्कूलमे मतदान कर्मीक दोसर चरणक प्रशिक्षण शुरू भेल। दोसर चरणमे प्रत्येक विधानसभा लेल प्रतिनियुक्त चारिटा अधिकारी, पी वन, पी टू आ पी थ्री केर विधानसभा वार प्रशिक्षण देल जा रहल अछि। शनिदिन आयोजित दू पालीक प्रशिक्षणमे अनुग्रह नारायण सिंह मेमोरियल हाई स्कूलमे सोनवर्षा आर सहरसा विधानसभाक लेल तैनात कर्मी सबहक प्रशिक्षण देल गेल। प्रशिक्षण प्रकोष्ठ नोडल अधिकारी सह डीपीआरओ संजीव कुमारक देखरेखमे देल जा रहल अछि। ट्रेनिंगमे खास बात ई अछि जे पीपीटी मोडमे टेलीविजनक माध्यमसँ हर चीजक जानकारी देल जा रहल अछि। नोडल अधिकारी कहलनि जे, दू पारीमे सहरसा विधानसभा क्षेत्र अंतर्गत पी 1, पी 2 आ पी 3 केर 74 सोनावर्षा आ 75 सहरसा लेल अधिकारीक कुल 55 प्रशिक्षक द्वारा प्रशिक्षित कयल जा रहल अछि। दोसर चरणक प्रशिक्षणक पहिल पालीमे सोनवर्षा विधानसभाक तहत मतदान दल 321 सँ 351 आ सहरसा विधानसभाक लेल मतदान दल 1 सँ 120 केर प्रशिक्षण देल गेल। जखन कि दोसर पालीमे सहरसा विधानसभा क्षेत्र लेल मतदान पार्टी 280 केर मतदान पार्टी 121 केर कर्मीक प्रशिक्षण देल गेल अछि। पहिल पारीमे कुल 632 जवानकेँ प्रशिक्षण देल गेल अछि आ दोसर पारीमे कुल 640 जवानकेँ प्रशिक्षण देल गेल। दूनू पारीमे कुल 1272 जवानकेँ दोसर चरणक प्रशिक्षण देल गेल अछि। इ प्रशिक्षणक काज 15 कमरामे भऽ रहल अछि। प्रशिक्षणक दौरान ईवीएम हैंड्स ऑन प्रशिक्षण सहित सबटा आवश्यक जानकारी देल जायत छै, ताकि मतदानक दिन तैनात कर्मीकेँ कोनो तरहक दिक्कतक सामना नहिं करय पड़य। ओ कहला जे सबटा जानकारी विस्तारसँ देल जा रहल अछि। एहि अवसर पर प्रशिक्षण प्रकोष्ठक दीपक कुमार, जिला आईटी प्रबंधक विनय कुमार सहित अन्यान्य पदाधिकारी उपस्थित रहलाह।
