भारतीय जनता पार्टीक वरिष्ठ नेता मुख्तार अब्बास नकवी बिहार मतदाता सूचीमे विदेशी नागरिकक नामक दावाकेँ लऽ कऽ बिहार विधानसभाक नेता प्रतिपक्ष आ राष्ट्रीय जनता दलक नेता तेजस्वी यादवक बयान पर पलटवार कयलनि अछि। नकवी कहलनि जे, तेजस्वी जाहि तरहक बयान देलनि अछि ओ सही नहि अछि आ घुसपैठियाकेँ वैध मतदाताक रूपमे देखब गलत अछि।
सोमदिन मुख्तार अब्बास नकवी कहलनि जे घुसपैठियाकेँ वैध मतदाता मानब वा ओकर वैधताक समर्थन करब गलत अछि। हुनक तर्क छल कि ई घुसपैठिया चाहे बांग्लादेश, म्यांमार वा अन्य जगहसँ आबैत होय, मुदा भारतीय नागरिक खास कऽ वैध मुस्लिम नागरिकक आर्थिक आ शैक्षणिक अधिकारक हनन कऽ रहल अछी। नकवी जोर देलनि कि ऐहन गतिविधि नागरिकक अधिकार हड़पनाई अछि आ एकरा नजरअंदाज नहि कयल जाय। ओ चेतावनी देलनि जे एहि मुद्दा पर भ्रम पसारनाई खतरनाक अछि आ ई देशक हितमे नहि अछि।
ओ इंडी गठबंधन पर तंज कसैत कहलनि जे हमरा लगैत अछि, जे पार्टी, चाहे तेजस्वी यादवक पार्टी होय, कांग्रेस पार्टी होय वा कोनो आन पार्टी, आइ गैरकानूनी मतदाता बनि गेल घुसपैठियाक अनदेखी करय केर बात कय रहल अछि ओ अपन वैधता साबित करय आ देखाबय केर कोशिश कय रहल अछि, ई ठीक नहिं अछि। ई घुसपैठिया सभकेँ वैध मतदाताक रूपमे देखा कय भारतक नागरिकक अधिकारक उल्लंघन कय रहल छथि। एहिसँ हुनकर अधिकार हड़पल जा रहल अछि। एहिसँ जौं किनको सबस बेसी नुकसान होइत अछि ओ भारतक वैध मुसलमान अछि। ई घुसपैठिया चाहे बांग्लादेश, म्यांमार वा कतहुसँ आएल होय, जँ ककरो अधिकार हड़पि रहल अछि तखनि भारतक ओहि मुसलमानक अधिकार हड़पि रहल अछि जिनका आर्थिक आ शैक्षणिक अधिकार आ अन्य अधिकार अछि ओ एकरा हड़पि लैत अछि। ताहि लेल घुसपैठिया केर अनदेखी नहि करबाक चाही।
आईआईएम कोलकातामे एकटा छात्राक संग बलात्कारक मामिला पर नकवी कहलनि जे, कोनो संस्थान केंद्रीय, राज्य, राष्ट्रीय, अंतर्राष्ट्रीय वा निजी भऽ सकैत अछि, मुदा ओतय केर लोकक सुरक्षा, संस्थानक सुरक्षा आओर ओतय काज करय वाला वा पढ़य वाला लोकक सुरक्षाक जिम्मेदारी राज्य सरकारक अछि। जँ एकरा नुकेबाक प्रयास करब तँ ठीक नहि।
‘ऑपरेशन कलानेमी’ पर ओ कहलनि कि पैसा, धोखा वा धमकी केर माध्यमसँ कोनो तरहक धर्मांतरण चाहे धोखाधड़ी, जबरदस्ती वा वित्तपोषित होय, स्वीकार्य नहिं होयबाक चाही। जे एहि कारोबारमे लागल छथि हुनका पर सख्त निगरानी निश्चित रूपसँ करबाक जरूरत अछि आ हुनका पर कार्यवाही जरूरी होयत।
आंतरिक सुरक्षा अधिनियम (मिसा) केर दस्तावेज सार्वजनिक करय केर संभावना पर ओ कहलनि जे आपातकाल भारतीय लोकतंत्र पर एकटा धब्बा अछि। आपातकालमे कांग्रेस पार्टी द्वारा कयल गेल पाप, अपराध आ कुकर्मकेँ नजरअंदाज वा नुकाओल नहि जा सकैत अछि। आपातकालमे कांग्रेस जे किछु कयलक, आइ वैऽह लोक संविधानक प्रतिलिपि लऽ कऽ घुमि रहल अछि, जखनिकि ओ कांग्रेस पार्टी संविधानक धज्जी उड़ा ओकर मूल भावनाक अपहरण कय लेने छल। तेँ आगामी सभ पीढ़ीकेँ ओहि सत्यकेँ मोन राखय पड़त। तेँ जे कोनो दस्तावेज जनताक सोझाँ आयल अछि से राष्ट्रहितमे अछि।
शुभांशु शुक्ला केर भारत वापसी पर ओ कहलनि कि ई भारतक जनता लेल एगो गौरवशाली क्षण अछि। अंतरिक्ष केर मजबूत यात्रासँ वापस आबि रहल छथि। सब कियो हुनकर सुरक्षित वापसी केर प्रार्थना कय रहल अछि।
बिहारमे कानून व्यवस्थाक स्थिति पर ओ कहलनि जे जतय अपराध होइत ओतय सख्त कार्यवाही हेबाक चाही। एहि पर कोनो राजनीति नहि हेबाक चाही।
