बृहस्पतिकेँ बिहारक बेगूसरायमे एकटा बस यात्री सभकेँ उतारि हाईवे कातमे ठाढ़ छल। तहन अचानक बसमे केना ने केना आगि लागि गेल। आगि लगलासँ एनएच 31 पर यातायात बाधित भऽ गेल। घटनाक जानकारी भेटला पर फायर ब्रिगेड मौका पर पहुंच गेल। फायर ब्रिगेड बहुत मेहनतक बाद आगि पर काबू पओलक। आगि लगलासँ एनएच 31 पर यातायात बाधित भऽ गेल। बसमे अचानक आगि कोना लागल से जांचक बाद साफ भऽ जाएत। आगिसँ बस पूर्ण रूपसँ नष्ट भऽ गेल अछि। एहि घटनाक बाद मौका पर अफरातफरी मचि गेल जाहिसँ राष्ट्रीय राजमार्ग पर यातायात बाधित भऽ गेल।
स्थानीय लोकके कहनाय छनि जे जखन हम कॉलेजसँ निकलैत छलहुं तऽ देखलौ जे बसमे अचानक धुआं उठि गेल अछि आओर ओ जरि रहल अछि। बस कंपनीक कर्मचारी रंजीत सिंह कहला जे यात्री के उतरलाक बाद हम सब बस हाईवेक कातमे ठाढ़ कय देलहुं। शंका अछि जे कियो आगि लगा देने अछि। एहि संबंधमे नगर थाना अध्यक्ष शैलेन्द्र कुमार राष्ट्रीय राजमार्गक कातमे बसमे आगि लगबाक घटना घटल बतौलनि। एहि पूरा मामिलाक जांच भऽ रहल अछि।
