जहिना केंद्र सरकार बिहारक पूर्व मुख्यमंत्री कर्पूरी ठाकुरकेँ भारत रत्नक घोषणा कयलक, राजनीति तेज भऽ गेल अछि। बिहारमे बुधकेँ भाजपा, जेडीयू आ राजद द्वारा अलग-अलग जगह पर करपुरी जयंती मनायल गेल। एम्हर बिहारक उपमुख्यमंत्री तेजस्वी यादव एकटा पैघ बयान देलनि अछि। ओ कहलनि जे नवका पीढ़ीकेँ जनबाक चाही जे कर्पूरी जी कोना लड़लनि। एखनहु एकटा लड़ाई शेष अछि जे प्राप्त कयल जायत। “हम सदैव मांग करैत आबि रहल छी जे कर्पूरी जीकेँ भारत रत्न देल जाय। हर मंच पर भारत रत्न देबाक मांग उठल अछि। आइ भारत सरकारकेँ भारत रत्न देबय पड़ल अछि, एकर सबसँ पैघ धन्यवाद बिहारक जनताकेँ अछि। लालू जी कर्पूरी ठाकुरक काजकेँ आगू बढ़ेलनि। पहिने छोट जातिक लोककेँ खाटपर बैसबाक अनुमति नहिं छल। लालू लोककेँ जगाबय आ चेतना पैदा करबाक काज कयलनि।
तेजस्वी यादव कहलनिजे “लोककेँ जुबान देबयवाला एकमात्र नाम अछि – लालू प्रसाद यादव।” हम हुनकर बेटा छी, ई हमर सौभाग्य अछि।
कर्पूरी आ लालू जीक काजकेँ हम हरदम आगू बढ़ेबाक काज करब। तेजस्वी यादव कहैत छथि जे, जे काज अधूरा अछि ओ हम पूरा करब। कतेको लोक छथि जे घुटना टेकने छथि मुदा राजद आ लालू कहियो घुटना नहिं टेकलनि। बवंडर कतेक आबि जाए, हमसभ नहिं हटब।
तेजस्वी कहलनि “बिहारमे गठबंधन सरकार जतेक काज केलक ओतेक कियो नहिं केलक। जातिगत जनगणनाक बाद आरक्षण बढ़ेबाक काज ई अछि जे मोदी सरकारकेँ भारत रत्न देबय पड़ल। भाजपा काल्हि धरि गारि दैत छल, आइ ओ पटाखा चला रहल अछि। ई अछि बिहार। अईठाम किछु नहिं चलत । तेजस्वी कहलनि कि कांशीराम आ लोहियाकेँ सेहो भारत रत्न देल जेबाक चाही। बिहारक राजनीति समाजवादी द्वारा तय कयल जाइत अछि। भाजपामे बहुत भयक माहौल छल। सभ समाजवादीक एकजुट होयबासँ भाजपा डरि गेल छल।
तेजस्वी यादव कहलनि जे कर्पूरी जयन्ती पर हम वादा केने छलहुं जे अगर हमर सरकार बनत तऽ हम तमिलनाडुक तर्ज पर आरक्षण देब। आइ हम खुश छी जे हम अपन वादा पूरा केलहुं। चुनावक दौरान हम कहलहुं जे १० लाख नौकरी भेटत। आइ हम बिहारमे चारि लाखसँ बेसी नौकरी दऽ देने छी। हम सभ जे बाजैत छी, से कय कऽ देखबैत छी।
