सदर थाना क्षेत्रक कहरा नहर लग शुक्र दिन भोरे-भोर स्कूल जा रहल एकटा बाइक सवार शिक्षककेँ बीच सड़क पर अज्ञात अपराधी गोली मारि हत्या कय देलक आ ओ भागि गेल। मारल गेेल शिक्षकक पहिचान बालमुकुन्द गुप्ता केर सुपुत्र सरोज गुप्ताक रूपमे कयल गेल, जे बनगाँव थाना क्षेत्रक बरियाही निवासी छलाह। शिक्षक कहरा प्रखंडक सफाबाद स्थित अनुसूचित जाति विद्यालयमे कार्यरत छल आ भोरे अपन बाइक पर स्कूल जा रहल छल। एम्हर रास्तामे कहरा नहर लगअज्ञात बदमाश गोली मारि हत्या कय देलक। घटनाक जानकारी मिलैत देरी मौका पर लोकक बहुत भीड़ जमा भऽ गेल। जानकारी मिललक बाद पुलिस मौका पर पहुंचल आ घटनास्थलसँ दू टा गोलीक खोखा बरामद कयलक। पुलिस मृतककेँ अपना कब्जामे लऽ कऽ पोस्टमार्टम लेल पठा देलक अछि। मृतकक पत्नी रूबी देवीक कहनाय छनि जे घरेलू विवादक कारण हुनकर पतिकेँ भाइसँ विवाद छल। जाहिक कारण हुनकर हत्या भऽ गेल। एकर खुलासा ओही गामक लोकक अनुसार परिवारक सदस्यक बीच संपत्तिक विवादक संबंधमे भाई-बहिन आ माय बापक बीच वर्षोंसँ पुरान प्रतिद्वंद्विता चलि रहल अछि जाहि कारणेँ मृतकक हत्या भेल। एहिसँ पहिने ओहि जगह पर हुनकर भाईकेँ एहिना गोली मारि कय हत्या कय देल गेल छल जकर आशंका मृतक पर कयल गेल छल। आब पुलिसक अनुसंधानक बादहि पता चलत जे कोन कारणसँ के मारलक।
