तमिलनाडुमे आगामी विधानसभा चुनावक लेल भाजपा आ एआईएडीएमके केर बीच गठबंधन फेर भेल अछि। ई घोषणा चेन्नई दौरा पर पहुंचल केंद्रीय गृह मंत्री अमित शाह द्वारा कएल गेल।
चेन्नईमे एआईएडीएमके नेता ई. के. पलानीस्वामी संग प्रेसवार्तामे केंद्रीय गृह मंत्री अमित शाह कहलथि, ‘आइ एआईएडीएमके आ भाजपाक नेतागण मिलिकय तय कयलनि अछि जे आबयवाला तमिलनाडु विधानसभा चुनाव एआईएडीएमके, भाजपा आ सभ साथी दल मिलिकय एनडीए केर रूपमे एक संग लड़ब।
एहि दौरान अमित शाह कहलथि – एनईईटी आ परिसीमनक मुद्दा ई (विपक्ष) लोकनि ध्यान भटकाबय लेल ठाढ़ कऽ रहल छथि। ओ आगू कहला – अन्नाद्रमुकक कोनो शर्त आ मांग नहि अछि, अन्नाद्रमुकक आंतरिक मामिलामे हमर कोनो हस्तक्षेप नहि होयत। ई गठबंधन एनडीए आ अन्नाद्रमुक दुनू लेल लाभकारी होबए वाला अछि।
तमिलनाडु विधानसभा चुनाव लेल एनडीए गठबंधन पर केंद्रीय गृह मंत्री अमित शाह कहला, ‘ई चुनाव राष्ट्रीय स्तर पर पीएम मोदीक नेतृत्वमे आ राज्य स्तर पर एआईएडीएमके नेता एडप्पादी के. पलानीस्वामीक नेतृत्वमे लड़ल जायत।’
एहि दौरान अमित शाह कहलनि, “हम जनताक असली मुद्दा सभक संग जनताकेँ बीच जायब आ हम मानैत छी जे तमिलनाडुक जनता असली मुद्दा सभकेँ जानैत अछि आ डीएमकेसँ जवाबो चाहैत अछि।”
