अमित शाह गोपालगंजमे कहलनि कि एकबेर आर पाँच वर्षक मौका एनडीए सरकारकेँ दिअ, हम बिहारकेँ सदा लेल बाढ़िसँ मुक्त करबाक काज करब।
एकर जबाब लालू-तेजस्वी द्वारा देल गेल अछि। केंद्रीय गृह मंत्री अमित शाहक दू दिनक बिहार दौरा समाप्त भ’ चुकल अछि। हुनक यात्रा भले समाप्त भ’ गेल होय मुदा विपक्षक नेता सभक हमला जारी अछि।
सोमदिन (31 मार्च, 2025) लालू यादव आ तेजस्वी यादव एक्स पर पोस्ट क’ अमित शाह पर निशाना साधलनि। आरजेडी सुप्रीमो लालू प्रसाद यादव एक्स पर लिखलाह, हमरा बिहारमे एकटा मौका आओर दिय, बाढ़ नियंत्रण पर काज करब।
ओम्हर तेजस्वी यादव लिखलाह, “हमर सरकार बनल त’ बिहारमे बाढ़ नियंत्रण पर काज करब। 20 बरससँ बिहारमे की तालिबानक सरकार अछि ? उपलब्धिक नाम पर किछु नहि त’ किछु फेंक दिअ। ई लोकसभ एतेक झूठ कहियासँ कहैत अछि?”
उम्हर केंद्रीय गृह मंत्री अमित शाहक दौराक संबंधमे आरजेडी एक्स पर पोस्ट कयल, “अमित शाह 19 मिनटक भाषणमे 18 बेर परम आदरणीय परम पूजनीय श्री लालू यादव जीक नाम लेलथि, ओ लालू प्रसाद जे 20 बरखसँ सत्तासँ बाहर छथि। अनुमान करू लालूजी के नाम कतबा पैघ अछि जे तड़ीपारकेँ सुतय नहि दैत अछि। लालू यादवाय नमः केर सुमरण कऽ ई बेड़ा पार करय चाहैत अछि। जय समाजवाद! जय लालू!”
