शनिकेँ प्रशांत किशोर छात्रसभसँ पटनाक गाँधी मैदान पर जमा होयबाक आह्वान कयने छलाह। पुलिस छात्रसभकेँ प्रदर्शन करबाक अनुमति नहि देने छल। एकर बादो छात्र आ जनसूरज पार्टीक कार्यकर्ता गाँधी मैदानमे जूटल छथि।
बिहारक राजधानी पटनामे पुलिस आ बीपीएससीक उम्मीदवार आमने-सामने आबि गेल छथि। जनसूरज पार्टीक कार्यकर्ता छात्रसभक सङ्ग पटनाक गांधी मैदानमे जमा भऽ विरोध प्रदर्शन कऽ रहल छथि। संगहि पुलिस छात्र सभकेँ रोकबाक प्रयास कऽ रहल अछि। शनिकेँ किशोर छात्रसभसँ पटनाक गाँधी मैदान पर जमा होयबाक आह्वान कयने छलाह। मुदा, पुलिस छात्रसभकेँ छात्र संसद आयोजित करबाक अनुमति नहि देलक। एकर बादो छात्र आ जनसूरज पार्टीक कार्यकर्ता गाँधी मैदान पर जमा भेल छथि। पुलिस छात्रसभकेँ गांधी मैदान खाली करय लेल कहलक, मुदा छात्र सभ नाराबाजी शुरू कऽ देलक। जनसूरज पार्टीक कार्यकर्तासभक एकटा पैघ समूह पोस्टर आ बैनर लऽ कऽ गांधी मैदान पहुँचल। गाँधी मैदानक भीतर स्थापित गाँधी प्रतिमासँ कने पहिने प्रदर्शनकारीसभकेँ रोकल गेल, मुदा संख्या बढ़लाक बाद अचानक जन सूरज पार्टीक छात्र आ समर्थक पुलिसक बैरिकेड तोड़ैत गाँधी प्रतिमाक लग पहुँचि गेल। प्रशांत किशोर एहि गाँधी प्रतिमा लग छात्र संसदक आयोजनक आह्वान कयने छलाह। एहिसँ पहिने पछिला १० दिनसँ छात्र सभ धरनाक लेल निर्धारित स्थान गर्दनीबागमे विरोध प्रदर्शन कऽ रहल छलाह।
जनसूरज पार्टीक नेता प्रशांत किशोर सेहो छात्र आ कार्यकर्ता सभक बीच पटनाक गांधी मैदान पहुँचलाह। ओ छात्रसभकेँ समूहमे विभाजित नहि होयबाक चेतौनी देलनि। एना कयलासँ अहां सभक ताकति कमजोर भए जाएत। संगहि छात्रसभकेँ लम्बा विरोध प्रदर्शनक लेल तैयार करैत ओ कहलनि जे एक दिन अयलासँ किछु नहिं होयत। प्रशांत किशोर छात्रसभकेँ प्रोत्साहित करैत कहलनि जे पुलिस हुनका सभकेँ चारु दिसिसँ घेरि लेने अछि, मुदा पुलिसमे लाठीचार्ज करबाक साहस नहि अछि।
बीपीएससी द्वारा आयोजित ७०म एकीकृत संयुक्त प्रतियोगी परीक्षा (सीसीई), २०२४क प्रश्न पत्र लीक होयबाक आरोपक कारण परीक्षार्थी एक सप्ताहसँ बेसी समयसँ परीक्षा रद्द करबाक माँग कऽ रहल छथि। पटना जिला प्रशासन बिहार लोक सेवा आयोग (बीपीएससी) केर अधिकारीक संग बैसार करय केर प्रस्ताव देलक अछि जाहिमे १३ दिसंबरकेँ आयोजित परीक्षा रद्द करय केर मांग करैत अपन शिकायत राखल जाए। पटनाक जिला मजिस्ट्रेट चन्द्रशेखर सिंह शनिदिन कहलनि जे प्रदर्शनकारी सभकेँ वार्ताक लेल पाँच प्रतिनिधि मनोनीत करय पड़त जकर बाद बीपीएससी “उचित समयक भीतर” निर्णय लेत। जिला प्रशासन प्रदर्शनकारी अभ्यर्थी सभसँ कहलक अछि जे ओ अपन प्रतिनिधि (सभ परीक्षार्थी)क सूची देथि जाहिसँ हम एहि मुद्दा पर बीपीएससी अधिकारीसभक सङ्ग बैसारक व्यवस्था कऽ सकब। ओ बैसारमे आयोगक अधिकारीसभकेँ अपन शिकायतक जानकारी दऽ सकैत छथि। जिला प्रशासन प्रदर्शनकारी उम्मीदवारसभकेँ इहो आश्वासन दैत अछि जे आयोग उचित निर्णय लेत वा उचित समयक भीतर उचित रुख अपनाओत।
*
पटना
*
शनिकेँ प्रशांत किशोर छात्रसभसँ पटनाक गाँधी मैदान पर जमा होयबाक आह्वान कयने छलाह। पुलिस छात्रसभकेँ प्रदर्शन करबाक अनुमति नहि देने छल। एकर बादो छात्र आ जनसूरज पार्टीक कार्यकर्ता गाँधी मैदानमे जूटल छथि।
बिहारक राजधानी पटनामे पुलिस आ बीपीएससीक उम्मीदवार आमने-सामने आबि गेल छथि। जनसूरज पार्टीक कार्यकर्ता छात्रसभक सङ्ग पटनाक गांधी मैदानमे जमा भऽ विरोध प्रदर्शन कऽ रहल छथि। संगहि पुलिस छात्र सभकेँ रोकबाक प्रयास कऽ रहल अछि। शनिकेँ किशोर छात्रसभसँ पटनाक गाँधी मैदान पर जमा होयबाक आह्वान कयने छलाह। मुदा, पुलिस छात्रसभकेँ छात्र संसद आयोजित करबाक अनुमति नहि देलक। एकर बादो छात्र आ जनसूरज पार्टीक कार्यकर्ता गाँधी मैदान पर जमा भेल छथि। पुलिस छात्रसभकेँ गांधी मैदान खाली करय लेल कहलक, मुदा छात्र सभ नाराबाजी शुरू कऽ देलक। जनसूरज पार्टीक कार्यकर्तासभक एकटा पैघ समूह पोस्टर आ बैनर लऽ कऽ गांधी मैदान पहुँचल। गाँधी मैदानक भीतर स्थापित गाँधी प्रतिमासँ कने पहिने प्रदर्शनकारीसभकेँ रोकल गेल, मुदा संख्या बढ़लाक बाद अचानक जन सूरज पार्टीक छात्र आ समर्थक पुलिसक बैरिकेड तोड़ैत गाँधी प्रतिमाक लग पहुँचि गेल। प्रशांत किशोर एहि गाँधी प्रतिमा लग छात्र संसदक आयोजनक आह्वान कयने छलाह। एहिसँ पहिने पछिला १० दिनसँ छात्र सभ धरनाक लेल निर्धारित स्थान गर्दनीबागमे विरोध प्रदर्शन कऽ रहल छलाह।
जनसूरज पार्टीक नेता प्रशांत किशोर सेहो छात्र आ कार्यकर्ता सभक बीच पटनाक गांधी मैदान पहुँचलाह। ओ छात्रसभकेँ समूहमे विभाजित नहि होयबाक चेतौनी देलनि। एना कयलासँ अहां सभक ताकति कमजोर भए जाएत। संगहि छात्रसभकेँ लम्बा विरोध प्रदर्शनक लेल तैयार करैत ओ कहलनि जे एक दिन अयलासँ किछु नहिं होयत। प्रशांत किशोर छात्रसभकेँ प्रोत्साहित करैत कहलनि जे पुलिस हुनका सभकेँ चारु दिसिसँ घेरि लेने अछि, मुदा पुलिसमे लाठीचार्ज करबाक साहस नहि अछि।
बीपीएससी द्वारा आयोजित ७०म एकीकृत संयुक्त प्रतियोगी परीक्षा (सीसीई), २०२४क प्रश्न पत्र लीक होयबाक आरोपक कारण परीक्षार्थी एक सप्ताहसँ बेसी समयसँ परीक्षा रद्द करबाक माँग कऽ रहल छथि। पटना जिला प्रशासन बिहार लोक सेवा आयोग (बीपीएससी) केर अधिकारीक संग बैसार करय केर प्रस्ताव देलक अछि जाहिमे १३ दिसंबरकेँ आयोजित परीक्षा रद्द करय केर मांग करैत अपन शिकायत राखल जाए। पटनाक जिला मजिस्ट्रेट चन्द्रशेखर सिंह शनिदिन कहलनि जे प्रदर्शनकारी सभकेँ वार्ताक लेल पाँच प्रतिनिधि मनोनीत करय पड़त जकर बाद बीपीएससी “उचित समयक भीतर” निर्णय लेत। जिला प्रशासन प्रदर्शनकारी अभ्यर्थी सभसँ कहलक अछि जे ओ अपन प्रतिनिधि (सभ परीक्षार्थी)क सूची देथि जाहिसँ हम एहि मुद्दा पर बीपीएससी अधिकारीसभक सङ्ग बैसारक व्यवस्था कऽ सकब। ओ बैसारमे आयोगक अधिकारीसभकेँ अपन शिकायतक जानकारी दऽ सकैत छथि। जिला प्रशासन प्रदर्शनकारी उम्मीदवारसभकेँ इहो आश्वासन दैत अछि जे आयोग उचित निर्णय लेत वा उचित समयक भीतर उचित रुख अपनाओत।
