कर्नाटकक मंत्री रामलिंगा रेड्डी कहलनि अछि जे सरकार एकटा परिपत्र जारी कऽ राज्यक ३४,००० मन्दिरमे २२ जनवरीकेँ विशेष पूजा करबाक आदेश देलक अछि। २२ जनवरीकेँ अयोध्यामे राम मंदिरक प्राण प्रतिष्ठाक कार्यक्रमक आयोजन होएत। भाजपा सेहो कर्नाटक सरकारक एहि निर्णय पर प्रसन्नता व्यक्त कयलक अछि आ कहलक अछि जे “सरकारकेँ चलू सद्बुद्धि तऽ आयल।”
वास्तवमे, पूर्व मे कर्नाटक पुलिस १९९२ मे रामजन्मभूमि आन्दोलनक दौरान दंगाक मामिलामे एकटा हिन्दू कार्यकर्ताकेँ गिरफ्तार केलक । भाजपा राम मन्दिरक प्राण प्रतिष्ठा कार्यक्रमसँ पहिने हिन्दू कार्यकर्ताक गिरफ्तारीपर तीखा हमला करैत एकरा राजनीतिसँ प्रेरित बतओने छल। भाजपा पैघ स्तरपर सरकारक विरोध कयलक, जाहि कारणेँ कांग्रेस सरकार बैकफुट पर देखाइ पड़ल। आब राम मंदिर प्राण प्रतिष्ठाक दिन राज्यक ३४ हजार मन्दिरमे विशेष पूजा आयोजित करय केर निर्णयकेँ ओही दृष्टिकोणसँ देखल जा रहल अछि।
