भारतीय अंतरिक्ष यात्री शुभांशु शुक्लाक सुरक्षित पृथ्वी पर वापसीक कारण देशवासीमे खुशीक लहरि अछि। हुनक पिता शंभू दयाल शुक्ला आ माता आशा शुक्ला एहि ऐतिहासिक क्षण पर अपन भावना साझा कयलनि।
शंभू दयाल शुक्ला गर्वसॅं कहलनि जे हमर बेटाक अंतरिक्ष यात्रा हमरा आ हमर परिवार लेल गौरवक विषय अछि, इ देशवासीक आशीर्वाद आ प्रधानमंत्री नरेंद्र मोदीक सहयोगसॅं संभव भेल।
ओ आगू कहलनि, “शुभांशु आब खाली हमर बेटा नहि अछि, बल्कि पूरा देशक बेटा अछि। देशक सभ मां हुनका आशीर्वाद दऽ रहल अछि। हमरा अपन बेटा पर बहुत गर्व अछि। एक्सिओम-4 मिशन मिशनमे शुभांशु ६० प्रयोगमें भाग लेलनि, जाहिमे सॅं सात इसरो के छल।”
बताबी जे शुभांशु शुक्ल सहित चारिटा अंतरिक्ष यात्री 20 दिनक बाद अंतरिक्षसँ पृथ्वी पर वापस आबि गेल छथि। 23 घंटाक यात्राक बाद ड्रैगन अंतरिक्ष यान कैलिफोर्निया केर समीप समुद्रमे उतरल।
एकर संग स्पेसएक्स सोशल मीडिया प्लेटफॉर्म एक्स पर एकटा पोस्टमे लिखलक, “ड्रैगन केर सुरक्षित लैंडिंग केर पुष्टि भऽ गेल अछि। पृथ्वी पर स्वागत अछि!”
