देवरिया सदर भाजपा विधायक शलभ मणि त्रिपाठी जिला प्रशासनकेँ चिट्ठी लिखि कहलनि जे श्रावण माससँ पहिने देवरिया रेलवे स्टेशन रोड दुर्गा मंदिर लग संचालित अवैध मांस बिक्री आ अवैध दोकान केर तत्काल बंद कऽ देल जाय, अन्यथा ओ स्वयं सड़क पर उतरि कऽ दोकान बंद कऽ देताह। एकर पूरा जिम्मेदारी जिला प्रशासन के होएत।
चिट्ठीमे लिखल अछि जे देवरिया रेलवे स्टेशन लग दुर्गा मन्दिरक लगपासमे पैघ संख्यामे बूचड़खाना चलि रहल अछि आ खुलामे माँस बेचल जा रहल अछि, जाहिसँ पूरा क्षेत्र दुर्गन्धसँ भरि गेल अछि। जखन रेलसँ आबयवला लोक रेलवे स्टेशनसँ बाहर अबैत छथि तखन माँसक दुर्गंध आ बिक्रीक कारण हुनकर मनमे जिलाक बहुत खराब छवि बनैत अछि, संगहि आम जनता सेहो एहि समस्यासँ बहुत परेशान अछि। ई हाल मुख्यमंत्रीक निर्देशक बादो अछि जे माँसक खुजल बिक्रीक अनुमति नहिं देल जाय आ एहन अवैध बूचड़खानाकेँ तत्काल बन्द कऽ देल जाय।
देवरिया रेलवे स्टेशनक बाहर भऽ रहल एहि अवैध कारोबारक बात करब तऽ बहुत साल पहिने जखन मुख्यमंत्री गोरखपुरक सांसद छलाह तखन मंदिर परिसरक आसपास मांसक बिक्रीक खिलाफ आंदोलन भेल छल आ मांसक दोकान बंद कयल गेल छल। एहनमे ई दुर्भाग्यपूर्ण अछि जे अहांक एडीएम प्रशासनकेँ व्यक्तिगत रूपसँ कतेको बेर बताबय केर बादो कोनो कारवाई नहिं भेल अछि, इ बुझाइत अछि जे प्रशासन एहि दिशामे किछु नहिं करय चाहैत अछि।
“जेनाकि श्रावण मास शुरू होबय बला अछि, अहाँसँ अपेक्षा कयल जाइत अछि जे अहाँ श्रावण मास शुरू होयबासँ पहिने एहि अवैध बूचड़खाना आ खुलामे माँसक बिक्री पर तत्काल रोक लगा कऽ अपराधीसभक खिलाफ कारवाई सुनिश्चित करब। श्रावण मास शुरू होयबासँ पहिने हम स्वयं स्थानीय लोकक संग सड़कक निरीक्षण करब आ जँ हमरा एहन अवैध दोकान चलैत देखब तऽ हम ओकरा बंद कऽ देब। एहन स्थितिमे कोनो अप्रिय स्थिति उत्पन्न होइत अछि तऽ ई प्रशासनक जिम्मेदारी होयत।
मीडियाक टीम मामिलाक सच्चाई जानबा लेल रेलवे स्टेशन रोड दुर्गा मंदिर पहुँचल। जतए खुजलमे माँस बेचल जा रहल छल। जखन मांस बेचनिहार दोकानदारसँ गप्प केलौं तखन ओ कहलनि जे ई भवन सबसँ पहिने नगरपालिका द्वारा बनाओल गेल छल। २००७ मे भवन ढहि गेल, ओकर बाद हमसभ एतय माँस बेचय लेल विवश भS गेलहुं, ई हमर आजीविकाक साधन अछि। मांस बेचनिहार सभक कहब अछि जे ओ नगरपालिकासँ बहुत बेर गप्प कयलनि मुदा भवन नहिं बनल। जेकर कारण हम सड़क पर माँस बेचि रहल छी। जँ जगह निर्धारित भए जाइत अछि तखन हम ओतए माँस बेचब।
