शहजाद पूनावाला बकलोली (विवादित बोल) लेल माँगलनि क्षमा, कहलनि – ‘पूर्वांचलीसँ स्नेह आ सम्मानक सम्बन्ध’

नई दिल्ली
*

भाजपा प्रवक्ता शहजाद पूनावाला हालहिमे कयल गेल एकटा टिप्पणीक लेल शुक्रदिन पूर्वांचलक जनतासँ माफी माँगलनि। सोशल मीडिया प्लेटफॉर्म एक्स पर जारी एकटा वीडियो सन्देशमे ओ कहलनि, “हम कर जोड़ि अपन सभ पूर्वांचली भाइ-बहिनसँ माफी मांगय चाहैत छी, जे हमर बातसँ दुख पहुँचल अछि आ हुनका दर्द भेल अछि। हम कोनो सफाई नहि देबए चाहैत छी। अहाँक सङ्ग हमर गहींर सम्बन्ध अछि, प्रेम, स्नेह आ सम्मानक सम्बन्ध अछि।”

वास्तवमे एकटा समाचार चैनल पर बहसक दौरान पूनावाला आम आदमी पार्टी विधायक ऋतुराज झाक उपनामक मजाक उड़ेलनि। आम आदमी पार्टी एकरा अपमानजनक बतौलक। आम आदमी पार्टीक राज्यसभा सांसद संजय सिंह भाजपा पर पूनावालाक टिप्पणी पर पूर्वांचलीकेँ अपमान करबाक आरोप लगओलनि। भाजपा सांसद मनोज तिवारी सेहो शहजाद पूनावालासँ माफी मांगबाक मांग कयलनि। जेडीयू सेहो पूनावालाक बयान पर नाराजगी व्यक्त कयलक आ माफी मांगय केर मांग कयलक। जदयू प्रवक्ता राजीव रंजन प्रसाद कहलनि जे पूनावाला गलती कयलथि। हुनक टिप्पणीसँ पूर्वांचलक लोकमे गहींर आक्रोश उत्पन्न भेल अछि। जदयू भाजपा नेतृत्वसँ पूनावालाक टिप्पणीक लेल कारवाई करय केर मांग कयलक अछि।

आम आदमी पार्टीक विधायक ऋतुराज झा पहिल बेर २०१५ मे आ फेर दोसर बेर २०२० मे किरारी विधानसभा सीट जीतलनि।

घटनाक बाद एक्स पर एकटा पोस्टमे झा कहलनि, “हम पूर्वांचलक मैथिल ब्राह्मण समुदायक छी। भाजपा प्रवक्ता पूर्वांचलक लोकक अपमान कयलनि अछग, हमरा नहि। पूर्वांचलक जनता आगामी चुनावमे मुंहतोड़ जवाब देत।”