बिहारमे गर्मी तबाही मचा रहल अछि, एकर संग-संग मौसममे बदलाव सेहो लगातार भऽ रहल अछि। एम्हर मौसम विभाग एक बेर फेर बिहारक लेल अलर्ट जारी कयलक अछि। मौसम विभागक अनुसार अगिला किछु दिन बिहारक किछु जिलामे बरखा भऽ सकैत अछि। एकर सङ्गहि हवा ३० सँ ४० किमी प्रति घण्टाक गतिसँ सेहो चलत। एहन स्थितिमे लोकसभकेँ सतर्क रहबाक लेल कहल गेल अछि। मौसम विभागक पूर्वानुमानक अनुसार सीतामढ़ी, शिवहर आ मधुबनीक मौसममे बदलाव आबि सकैत अछि आ शनिदिन मौसम विभाग साँझ धरि बरखा होयबाक भविष्यवाणी कयलक। एकर सङ्गहि एहि जिलासभमे आकाशीय बिजलीक चेतावनी सेहो अछि। एहि दौरान हवा ३० सँ ४० किलोमीटर प्रति घण्टाक गतिसँ चलल, जाहि लेल लोकक लेल चेतावनी जारी कयल गेल । पटना मौसम विज्ञान केन्द्र रवि आ सोमदिन दक्षिण बिहारमे बूंदाबांदी होयबाक भविष्यवाणी कयलक अछि, जाहिसँ तापमानमे कनेक कमी आबि सकैत अछि। मौसम विभागक अनुसार ७ आ ८ अप्रैलकेँ पटना, रोहतास, भबुआ, औरंगाबाद, गया, जहानाबाद, नवादा, जमुईमे हल्लुक बरखा भऽ सकैत अछि। एकर सङ्गहि लगपासक जिलामे किछु ठाम बूंदाबांदी आ बादल छायल रहबाक सम्भावना अछि। मुदा, राज्यक शेष भागक मौसम सामान्यतः सामान्य रहबाक सम्भावना अछि। मौसम विभाग द्वारा देल गेल जानकारीक अनुसार बिहारक पटना, गया, भागलपुर, पश्चिम चम्पारण, सीवान, सारण, पूर्वी चम्पारण, गोपालगंज आ बक्सर मे लू चलबाक संभावना अछि। एकर अतिरिक्त भोजपुर, रोहतास, भबुआ, औरंगाबाद, अरवल, नालंदा, शेखपुरा, नवादा, बेगूसराय, लखीसराय, जहानाबाद, बांका, मुंगेर, जमुई आ खगड़ियामे सेहो लू के चेतावनी जारी कयल गेल अछि। शुक्रदिन हिमालय क्षेत्रमे पश्चिमी विक्षोभ सक्रिय भऽ गेल अछि, जाहि कारणेँ बिहारक उत्तर-पश्चिम आ पश्चिमी हवाक प्रवाह जारी अछि आ एहि कारणेँ तापमान लगातार बढ़ि रहल अछि। एखन मौसम शुष्क अछि आ तापमान लगातार बढ़ि रहल अछि। मुदा, दक्षिण बिहारक किछु शहरक लेल ७ आ ८ अप्रैलकेँ बूंदाबांदी एकटा पैघ राहतक समाचार अछि।
