अपराध सहरसामे दरभंगाक मोस्ट वांटेड अपराधी गिरफ्तार, पिस्तौल आ जिंदा कारतूस बरामद Maithil Punarjagran Prakash April 27, 2024April 27, 2024 0 Comments सहरसा समदिया * सहरसाक जलई ओपी पुलिस शंकरथुआ गामक समीप बलान बान्ह पर भरल देसी पिस्तौलक सङ्ग बदमाशकेँ गिरफ्तार कयलक। गिरफ्तार बदमाशकेँ पूछताछक बाद न्यायालय भेज देल गेल अछि। एहि संबंधमे ओपी अध्यक्ष ज्ञान रंजन कुमार कहलनि जे हुनका फोन पर सूचना भेटल जे आपराधिक घटना करबाक लेल बलान बांध पर शंकरथुआ लग एकटा युवक हथियार लऽ कऽ घूमि रहल अछि। जखन पुलिस अधिकारी सशस्त्र बलक संग उपरोक्त स्थान पर पहुँचलाह तखन हीरो स्प्लेंडर मोटरसाइकिल नंबर बीआर १९ वी १७८१ पर सवार एकटा युवक पुलिसकेँ देखि बाइक छोड़ि भागय लागल। पुलिस बलक सहायतासँ ओकरा खदेड़ कऽ पकड़ल गेल। ओकर तलाशी लेलापर ओकर कमरसँ एकटा पिस्तौल आ एकटा जिंदा कारतूस बरामद भेल। युवककेँ पुलिस गिरफ्तार कऽ लेलक आ मोटरसाइकिल केर जब्त कऽ पुलिस स्टेशन आनल गेल। पूछताछक दौरान युवक अपन नाम दरभंगा जिलाक कुशेश्वर थाना क्षेत्रक अंतर्गत गमगम कुमार, पिता श्याम यादव, घरक नाम लेलक। Spread the love