राष्ट्रीय जनता दल (राजद) राज्यमे महागठबंधन सरकारक १७ महीनाक कार्यकालक दौरान संविधानक नवम अनुसूचीमे ६५ प्रतिशत आरक्षणकेँ शामिल करय केर मांगक समर्थनमे रविकेँ करपुरी चौक पर धरना देलक। धरनाक बाद राज्यपालक नाम पर जिला कलेक्टरकेँ ज्ञापन सौंपल गेल।
धरनाकेँ सम्बोधित करैत जिला अध्यक्ष उदय शंकर यादव उपमुख्यमंत्रीक रूपमे अपन कार्यकालमे बिहारमे जातिगत जनगणना करेबाक लेल नेता प्रतिपक्ष तेजस्वी प्रसाद यादवक प्रशंसा कयलनि। ओ कहलनि जे ई हुनक कार्यकालक परिणाम छल जे राज्यमे दलित, पिछड़ा, अति पिछड़ा, शोषित आ वंचित समाजक वास्तविक स्थितिक आंकड़ा प्राप्त भेल। एहि आंकड़ाक आलोकमे तेजस्वी प्रसाद यादव द्वारा आरक्षणक दायरा बढ़ा कए ६५ प्रतिशत कऽ देल गेल, जाहि सs शोषित आ वंचित समाजक लोककेँ अपन संख्याक अनुसार सहभागिता भेटि सकय। ओ बिहारक तर्ज पर पूरा देशमे जातिगत जनगणनाक मांग कयलथि, जाहिसँ भारतक वंचित समाजकेँ वास्तविक स्थितिक आंकड़ाक खुलासा कयल जा सकय।
जिला अध्यक्ष संविधानक नवम अनुसूचीमे ६५ प्रतिशत आरक्षण शामिल करबाक लेल कार्यकर्ता सभसँ केन्द्र सरकार पर दबाव बनेबाक अपील कयलनि। जिला उपाध्यक्ष अमरेश कुमार अमर, डॉ. कुमार गौरव, पूर्व विधायक फराज फातमी, ऋषि मिश्रा, गणेश भारती, बबलू यादव, सरोज मुखिया, कामेश्वर राम, मो. साबिर हुसैन, गुलाम हुसैन चीना, उदय शंकर चौधरी, शुभम कुमार यादव, राजा पासवान, राम लखन पासवान. स्वामी देव, पिंकी कुमारी, राम सकल यादव, रईस अहमद सिद्दीकी, नीलांबर यादव, वशिष्ठ नारायण यादव, अजय कुमार यादव, उमाशंकर यादव, झरी लाल सदा, सुजीत गौरव, समीर अल्फाज, मांझी पासवान, प्रेमचंद यादव उर्फ भोलू यादव, पन्ना लाल यादव, विश्वनाथ चौधरी, अमित कुमार यादव, किशोर कुमार सहनी, शिवम राय, यासमीन खातून आदि आन्दोलनमे शामिल छलथि।
