बिहारक मोतिहारीमे आरजेडी विधायक आ जिलाध्यक्ष मनोज यादवक खिलाफ केस दर्ज कयल गेल अछि। आरजेडी विधायक पर सड़क निर्माणमे बाधा डालनाई आ दबंगई देखाबैक आरोप अछि। एनएचएआईक एकटा अधिकारी विधायकक खिलाफ मुकदमा दर्ज कयलनि अछि।
जनतबक अनुसार, कोटवा थाना क्षेत्रक दीपहु मोड़ लग सड़ककेँ बंद कयल जा रहल छल। आरोप अछि जे विधायक ओतय लगाओल गेल बैरिकेडिंगकेँ हटा देलनि। एकर बाद ओतय काफी हंगामा भऽ गेल। ओतय विधायक मनोज यादव फेसबुक पर कहलनि जे जनताक सुविधाक लेल लाखों प्राथमिकी झेलै लेल तैयार छी।
जनतब जे कोटवासँ गोपालगंज मार्गमे दिपउ चौकक निकट NH 27 पर मार्ग निर्माणमे कतेक वर्षसँ कट मार्ग बनल अछि। जाहिसँ आसपासक लोकनिकेँ अपन गामसँ चौक चौराहा आबय-जायमे सुविधा होइत रहैत। दू दिन पहिने एनएचआईके टीम बैरिकेडिंग क’ कट मार्ग बंद क’ देलनि। एकर सूचना भेटैत विधायक मनोज यादव स्थल पर पहुँचलाह आ बैरिकेडिंग हटा देलनि। एनएचआईक अधिकारी एही मामिलामे कोटवा थानामे आवेदन द’ प्राथमिक दर्ज करौलनि अछि। प्राथमिकीमे नामजद अभियुक्त पूर्वी चंपारण जिला राजद अध्यक्ष आ कल्याणपुर विधायक मनोज यादवकेँ अभियुक्त बनौलक अछि। संगहि एनएचआईक अधिकारी थानामे देल आवेदनक प्रति जिलाधिकारी समेत अपन वरिय अधिकारीकेँ सेहो पठौलक अछि।
पुलिस अधीक्षकक तरफसँ जारी बयानक अनुसार, एनएचआईक आवेदन पर सरकारी काजमे बाधा पहुँचेबाक आरोपमे विधायक पर प्राथमिकी दर्ज कयल गेल अछि। 12.04.2025 क’ अनुमंडल पदाधिकारी, सदरसँ प्राप्त आदेशक आलोकमे अंचलाधिकारी कोटवा, थानाध्यक्ष, कोटवा थाना आ एनएचआईक पदाधिकारी द्वारा एनएच-27 पर अवैध कटकेँ बंद करबय लेल कहल गेल अछि।
