मिथिला क्षेत्रीय बिहारक दरभंगा जिलाक हायाघाटक भारतीय जनता पार्टीक विधायक रामचन्द्र प्रसादकेँ जानसँ मारबाक धमकी भेटल अछि। आरोपी सभ पहिने हुनकर गाड़ी रोकलक आ फेर गाली-गलौज कयलक। आरोपी हुनका सभकेँ जानसँ मारए केर धमकी देबए लागल। पीड़ित विधायक एसएसपी सँ ई गंभीर आरोप लगबैत शिकायत कयलनि अछि।
भाजपा विधायक रामचन्द्र प्रसादकेँ जानसँ मारबाक धमकी भेटल अछि। एसएसपी बहेरी थाना प्रमुखकेँ कारवाई करबाक निर्देश देलनि अछि। राजद नेता पर आरोप लगाओल गेल अछि। आरोपीसभ विधायकक गाड़ी रोकि देलक आ गारि पढ़ैत धमकी देलक।
दरभंगाक हयाघाटक भाजपा विधायक रामचन्द्र प्रसाद कहलनि जे २७ अप्रैलकेँ हुनका संग गाली-गलौज कयल गेल आ जानसँ मारबाक धमकी देल गेल। हुनकर गाड़ी रोकल गेल आ धमकी देल गेल। पीड़ित विधायक दरभंगाक एसएसपी जगुनाथ रेड्डीसँ भेंट कऽ एहि घटनाक बारेमे लिखित शिकायत दर्ज करौलनि अछि। पीड़ित विधायक स्थानीय राजद नेता पर आरोप लगओलनि अछि। ओ चारि गोटेक नाम लिखेलनि।
एसएसपी बहेरी पुलिस थानाकेँ एफआईआर दर्ज कऽ कारवाई करबाक आदेश देलक अछि। विधायक रामचंद्र प्रसाद आरोप लगौलनि अछि जे धमकी देनिहार राजदक लोक छथि। ओ कहलनि जे ओ समस्तीपुरसँ एनडीए उम्मीदवार शांभवीक लेल प्रचार कऽ घुरि रहल छलथि। जहिना ओ सधुआ टोला लग पहुँचलाह, लगभग छओ गोटे हुनकर गाड़ी रोकि देलक। कार रोकनिहार आरोपीसभ हुनका सभकेँ गारि देलक आ मारबाक धमकी देलक। ओ कहलनि कि आरोपीमे दू गोटेकेँ पहिचान कएल गेल अछि।
विधायक रामचंद्र प्रसाद कहैत छथि जे एनडीए केर सरकार रहैत जखनि एकटा विधायकक संग राजदक लोक एहेन हरकत करैत अछि, तखनि ओ सभ आम जनताक संग केहन व्यवहार करैत होएत। जानसँ मारबाक धमकी भेटलाक बाद विधायक एसएसपी जगुनाथ रेड्डी जलारेड्डीसँ भेंट कयलनि आ आरोपीक खिलाफ शिकायत दर्ज करौलनि। ओ नामित चारि गोटे सहित आन लोकक विरुद्ध कारवाईक अनुरोध कयलनि। एसएसपी बहेरी थानाध्यक्षकेँ निर्देश देलनि जे ओकरा सभक खिलाफ मामिला दर्ज करैत कारवाई करू।
