राम नवमी शोभायात्राक दौरान धार्मिक उन्माद पसारय वाला आपत्तिजनक आ भड़काऊ नारा पर पैघ आ कठोर कारवाई कयल जायत। शोभायात्रामे कोनो तरहक शस्त्रक प्रदर्शन नहि करी। डीजे बजाबैत काल सरकार द्वारा जारी गाइडलाइनक पालन करब अनिवार्य अछि। निर्धारित मार्ग पर माऐ लाइसेंस प्राप्त शोभायात्रा करबाक अनुमति देल गेल अछि। एहेन स्थितिमे आपसी सौहार्दसँ राम नवमी पाबनि मनाउ। उपरोक्त बात एसपी हिमांशु कहलनि।
राम नवमी महोत्सवकेँ देखैत जिलाक कानून व्यवस्थाक स्थितिक समीक्षा कयल गेल।
आगू ओ कहला जे जिलाक इतिहास काफी सोहनगर रहल अछि। हर पावनिकेँ शांति आ सौहार्दक संग मनाओल गेल अछि। आशा अछि जे राम नवमी महोत्सव सेहो शांतिपूर्ण, सौहार्दपूर्ण आ भाईचारा केर माहौलमे मनाओल जायत।
ओ कहलनि जे, राम नवमी शोभायात्रा निकालय लेल लाइसेंस लेब अनिवार्य अछि। बिना लाइसेंसक शोभायात्रा निकालय पर कड़ा कारवाई होएत। एकटा जुलूस कमसँ कम 12 सँ 15 लोकक संग अपन सभ जरूरी जानकारीक संग लाइसेंस लेबय पड़त।
शोभायात्राक दौरान कोनो तरहक अप्रिय घटनाक लेल लाइसेंस लेबय वाला व्यक्ति जिम्मेदार होएत।ओ कहलनि जे, आपातकालीन स्थितिमे डायल 112 आ 06478 – 225554 पर सूचना भेटैत देरी कारवाई कयल जायत।
डीजे पर रोक लगा देल जायत। लाउडस्पीकर सेहो संयमित आवाजमे बाजल जाएत। सड़क पर यातायात बाधित नहि होयबाक चाही। एहेन व्यवस्था सेहो कएल जाएत। शोभायात्रा मात्र निश्चित मार्गसँ गुजरत। सीसीटीवी आ ड्रोनक अलावा विभिन्न स्थान पर स्टेटिक मजिस्ट्रेट आ पुलिसकर्मी सेहो मौजूद रहताह। शोभायात्राक संग पुलिस टीम सेहो रहत। राम नवमी महोत्सवमे असामाजिक तत्वकेँ अपन गतिविधि बंद करबाक सख्त निर्देश देल गेल अछि।
