पिछला मास राहुल गांधीक विपक्षक नेताक रूपमे नियुक्तिक एक साल पूरा भऽ गेल। बुधदिन सोशल मीडिया प्लेटफॉर्म एक्स पर कांग्रेस दिसिसँ एहि संबंधमे पोस्टक बाद भाजपाक नेता हुनका एहि भूमिकाक लेल अयोग्य बताबैत प्रतिक्रिया देलनि।
पिछला एक सालमे भारतीय राजनीतिमें बहुत महत्वपूर्ण बदलाव आयल अछि आ एहि दौरान भाजपा नेता सब कांग्रेस आ राहुल गांधीक नेतृत्वमे विपक्षक भूमिका पर तीव्र प्रतिक्रिया देलनि अछि।
गुजरात भाजपा प्रवक्ता रोहन गुप्ता कहलनि जे, “पिछला एक सालमे देशक राजनीतिक परिदृश्यमे बहुत बदलाव आयल अछि। लोकसभा चुनावसँ पहिने जखन ‘इंडी’ गठबंधनक बैसार भेल तऽ इ आभास बनल जे भाजपा हारल अछि वा एनडीए पिछड़ल अछि। मुदा पिछला एक सालक चुनाव परिणामकेँ जनताक फैसला साफ कय देलक अछि।”
ओ कहलनि जे, देशक जनता दुनू दलक राजनीति आ विचारधारामे की अंतर अछि से देखि लेलक, हुनकर सब नेताकेँ लगैत छनि जे डूबैत नावकेँ सिर्फ तुष्टीकरणक राजनीति बचा सकैत अछि। ताहि लेल हुनकर नेता तुष्टीकरण शुरू कय देलक अछि।
पश्चिम बंगाल भाजपा नेता निशिथ प्रमानिक कहलनि जे, राहुल गांधी विपक्षक नेताक रूपमे एक साल पूरा कय लेने छथि, हमरा लगैत अछि जे जा धरि ओ संसद केना चलैत अछि बुझताह ता धरि हुनकर पांच सालक कार्यकाल समाप्त भऽ जायत।
भाजपा सांसद जगन्नाथ सरकार कहलनि जे, राहुल गांधी नेता प्रतिपक्षक भूमिका नहि निभा सकैत छथि, ओ गड़बड़ी पैदा कय सकैत छथि, ओ संसदमे ठीकसँ बैसबामे सक्षम नहि छथि।
2024 केर आम चुनावमे कांग्रेस 99 सीटक संग सबस पैघ विपक्षी पार्टी बनि गेल अछि। ‘इंडी’ ब्लॉक 232 सीट जीतयमे सफल रहल जखनिकि भाजपाकेँ 240 आओर एनडीएकेँ 293 सीट। एहिसँ पहिने 2019 केँ लोकसभा चुनावमे कांग्रेसकेँ मात्र 52 सीट भेटल छल। 2014 केर चुनावमे पार्टी मात्र 44 सीट जीत सकल छल।
