पूर्णिया सौनाली पीडब्ल्यूडी मुख्य पथ पर कदवा थाना क्षेत्रक चांदपुर बभनगांव केर समीपक घटना अछि। घटनास्थल पर मौजूद गामक लोक सभ दूटा गोली मारय केर बात कहैत छथि, मुदा घटनास्थल पर एकटा खोखा भेटल अछि आ शिक्षिकाक शरीरमे एकटा गोली लागल अछि। गोली काण्डक घटनासँ बभनगांवमे हड़कंप मचि गेल अछि।
शिक्षिकाक पति शिक्षिका सोनी भारतीकेँ इलाज लेल पूर्णिया अस्पताल लऽ गेलथि। कहल जाइत अछि जे शिक्षिका सोनी भारती गेठौरा पंचायतमे स्थित उत्क्रमित मध्य विद्यालय कचौड़ा पश्चिममे पदस्थापित छथि। महिला शिक्षककेँ गोली कियेक मारल गेल, ई कारण एखनि धरि पता नहि चलल अछि। घटना केर सूचना ग्रामीण कदवा पुलिसकेँ देल गेल अछि।
सूचनाक बाद आनन-फाननमे थानाध्यक्ष घटनास्थल पर पहुँचि कऽ मामिलाक जाँचमे जुटल छथि। थानाध्यक्ष कहलथि जे शिक्षिका कटिहार जिलासँ बाहर रोज आबेत-जाइत रहैत छलीह, जतऽ जाकऽ सभ जानकारी प्राप्त करबाक बादे अनुसंधानमे पुलिस किछु नतीजा पर पहुँचि पाओत। पुलिस सम्पूर्ण मामिलामे जुटल अछि। घटना केर कारणक पता लगाबए केर प्रयास भऽ रहल अछि। परिजनसँ सेहो पूछताछ कएल जा रहल अछि।
