बिहारक पूर्व मंत्री आओर विकासशील इंसान पार्टीक प्रमुख मुकेश सहनी निषाद आरक्षणक मांग लऽ कऽ बड़का बयान देलनि, ओ कहलनि जे प्रधानमंत्री मोदी जँ निषादकेँ आरक्षण देथिन तँ जँ हमर ओ प्राण मांगताह तँ हम अपन प्राण देब। सहनी बिहारक कानून व्यवस्था आओर नीतीश कुमारकेँ सेहो निशाना बनौलनि।
सीतामढ़ी पहुंचल मुकेश सहनी सेहो राज्यक कानून व्यवस्था पर सवाल उठेलनि आ ओ स्पष्ट रूपसँ कहलनि जे राज्यमे कानून व्यवस्था पूर्ण रूपसँ समाप्त भऽ गेल अछि।
सहनी कहलनि, जनता लेल कोनो तरहक नीति नहि अछि। पांच किलो अनाज मात्र वोट लेबय लेल देल जा रहल अछि। सरकारकेँ काज करबाक चाही आ सत्तामे रहबाक चाही। जँ कोनो कार्यरत नेता छथि तखनि हुनका काज करबाक चाही। जँ काज नहि कय पबैत छथि तँ कुर्सी छोड़ि ककरो दोसरकेँ मौका देबाक चाही। ई देश ककरो लेल नहि रुकल अछि।
ओ आगू कहलनि, आई नरेन्द्र मोदी हमर प्रधानमंत्री छथि। हुनकासँ पहिने सेहो हमर देश गर्वसँ चलैत छल। काल्हि जखनि हम सभ नहि रहब तखनि सेहो ई देश चलैत रहत। गुजरातक लोक बिहारक भलाई नहि कय सकय छथि। बिहारक लोक मात्र बिहारक भलाई कय सकैत छथि। ओ सब बिहारक लेल ट्रेनक व्यवस्था जरूर करताह जाहिसँ अहां ट्रेनमे बैसि गुजरात जा कय मजदूरक काज कय सकैत छी।
नीतीश कुमार पर ओ कहलनि, हुनकर स्वास्थ्य खराब अछि। तइयो ओ सी.एम. ओ ककरो दोसरकेँ अपन उत्तराधिकारी नहि बना रहल छथि। चुनाव पर मुकेश सहनी कहलनि जे गठबंधनमे हम सब बहुत पार्टी छी। हम सब जोरदार चुनाव लड़ब। बहुत रास सीट अछि जतय वीआईपी आरामसँ मुकाबला कय सकैत अछि।
मुकेश सहनी जनतब देलनि जे पार्टीक राष्ट्रीय कार्यकारिणीक बैसारमे निर्णय लेल गेल जे हुनकर पार्टी राज्यमे 60 सीट पर चुनाव लड़बाक तैयारीमे अछि। भारतीय जनता पार्टी द्वारा मुकेश सहनीकेँ देल गेल प्रस्तावक बारेमे पूछला पर सहनी कहलनि जे, ओ सबहक लेल दरवाजा खुजल रखैत छथि। ई हमर सबहक ताकत आ हुनकर कमजोरी अछि। हुनका (भाजपा) पहिने आरक्षण देबाक चाही।
