रोजगार

पीएम मोदी 51 हजार युवाकेँ नियुक्ति पत्र सौंपैत कहलनि ‘युवा बनत विकसित भारतक सिपाही’

नई दिल्ली
*

प्रधानमंत्री नरेंद्र मोदी काल्हि शनिकेँ १६म रोजगार मेलाक तहत देशभरिक ४७ स्थान पर आयोजित कार्यक्रममे वीडियो कॉन्फ्रेंसिंग केर माध्यमसँ ५१ हजारसँ अधिक युवाकेँ सरकारी नौकरीक नियुक्ति पत्र सौंपलनि। ओ एहि युवा सभकेँ ‘राष्ट्र निर्माणक सिपाही’ बतेलनि आ कहलनि कि हुनक नियुक्ति एकटा पारदर्शी प्रक्रियाक हिस्सा अछि।

पीएम मोदी कहलनि कि ई रोजगार मेला केंद्र सरकारक नीतिक हिस्सा अछि, जाहि केर तहत युवाकेँ रोजगारक अवसर उपलब्ध करेनाइ आ भर्ती प्रक्रियामे तेजी अननाइ मुख्य उद्देश्य अछि। ओ जनतब देलनि जे 22 अक्टूबर 2022 सँ शुरू भेल एहि पहलक तहत एखनि धरि 10 लाखसँ बेसी युवाकेँ सरकारी नौकरी भेटि गेल अछि।

एहि नवनियुक्त युवा सभकेँ रेल मंत्रालय, गृह मंत्रालय, डाक विभाग, स्वास्थ्य आ परिवार कल्याण मंत्रालय, वित्तीय सेवा आ औद्योगिक विकास जेहेन विभिन्न विभागमे तैनात कयल जाएत। पीएम कहलनि, विभाग अलग भऽ सकैत अछि, मुदा अहाँक उद्देश्य एकटा अछि – ‘देशक सेवा आ विकसित भारतक निर्माण।’ ओ युवा सभसँ अपील कयलनि जे अगिला 20-25 सालक अपन कैरियर आ देशकेँ विकसित भारतक विकासक लक्ष्यसँ जोड़ल जाए। अंतर्राष्ट्रीय श्रम संगठन (आईएलओ) केर एकटा ताजा रिपोर्टक हवाला दैत पीएम मोदी कहलनि कि पिछला एक दशकमे ९० करोड़सँ बेसी लोककेँ सरकारक कल्याणकारी योजनासँ जोड़ल गेल अछि, जाहिसँ नहिं सिर्फ सामाजिक सुरक्षा बढ़ि गेल बल्कि लाखों नव रोजगार सेहो पैदा भऽ गेल अछि।

प्रधानमंत्री निजी क्षेत्रमे रोजगार पैदा करय पर सेहो जोर देलनि आ ओ कहलनि जे सरकार हालमे ‘रोजगारसँ जुड़ल प्रोत्साहन योजना’केँ मंजूरी देलक अछि, जाहिकेर तहत पहिल बेर नौकरी भेटय वाला युवाकेँ 15 हजार रुपयाक आर्थिक सहायता देल जायत। एहि योजना लेल एक लाख करोड़क बजट तय कयल गेल अछि, जाहिसँ करीब साढ़े तीन करोड़ नव रोजगारक अवसर पैदा हेबाक उम्मीद अछि।

पीएम मोदी कहलनि जे आइ भारत तेजीसँ दुनियाक तेसर सबसँ पैघ अर्थव्यवस्था बनबाक दिशामे आगू बढ़ि रहल अछि आ इ हमर युवाक मेहनतिक परिणाम अछि।” रोजगार मेलामे चुनल गेल युवाकेँ आगूक प्रशिक्षण लेल आईजीओटी कर्मयोगी पोर्टल पर उपलब्ध 1400 सँ बेसी ई-लर्निंग कोर्ससँ सेहो जोड़ल जाएत ताकि ओ अपन नौकरीमे बेसी दक्ष भऽ सकथि।

Spread the love