घटना नेपालक राजधानी काठमांडूक अछि। एक निजी एयरलाइंस कम्पनी सौर्य एयरलाइन्सक एकटा विमान बुधदिन भोरे काठमांडूक त्रिभुवन अन्तर्राष्ट्रीय हवाई अड्डासँ उड़ान भरैत काल दुर्घटनाग्रस्त भऽ गेल, जाहिमे १९ गोटे सवार छलाह। एहिमे सँ १८ गोटेक मृत्युक समाचार अछि। मीडिया रिपोर्टक अनुसार ई विमान पोखरा जा रहल छल आ भोरे लगभग ११ बजे दुर्घटनाग्रस्त भऽ गेल। हवाई अड्डाक एकटा सुरक्षा अधिकारी कहलनि जे विमानक पायलटकेँ अस्पताल लऽ जायल गेल। ओ कहलखिन कि विमानमे लागल आगि बुझा देल गेल अछि। पुलिस आ अग्निशमन दलक कर्मी दुर्घटना स्थल पर बचाव अभियान चला रहल छथि।
मीडिया रिपोर्टक अनुसार, पोखरा जा रहल सौर्य एयरलाइन्सक एकटा विमान उड़ानक क्रममे रनवेसँ खसि पड़लाक बाद ई दुर्घटना भेल। जहाजमे चालक दलक सदस्य सहित १९ गोटे छलाह। प्रारम्भिक जानकारीक अनुसार दुर्घटनास्थलसँ पाँचटा शव बरामद कयल गेल छल। जहाजक कप्तान एमआर शाक्यकेँ अस्पताल लऽ जायल गेल अछि। हवाई अड्डा पर धुआँक घनगर गुबार देखल गेल। पुलिस आ अग्निशमन दलक कर्मी दुर्घटना स्थल पर बचाव अभियान चला रहल छलथि। दुर्घटनाक बाद एहतियातन काठमाण्डूक त्रिभुवन अन्तर्राष्ट्रिय विमानस्थल बन्द कऽ देल गेल अछि।
नेपालमे पैघ विमान दुर्घटना वर्ष २०२३ मे सेहो भेल छल।
पछिला साल नेपालमे एकटा विमान दुर्घटनामे ७२ लोकक मृत्यु भऽ गेल छल। वर्ष २०२३ मे यति एयरलाइन्सक विमान नेपालमे दुर्घटनाक शिकार भेल छल। यति एयरलाइन्सक दुर्घटनामे जान गंवाबयवला लोकमे पाँच भारतीय सेहो छलाह। जाञ्चमे पता चलल जे यति एयरलाइन्सक दुर्घटना पायलटक गलतीक कारण भेल छल, जखन विमानक पायलट गलतीसँ बिजली काटि देलक, जाहिसँ विमान दुर्घटनाग्रस्त भऽ गेल।
