पटनाक जिलाधिकारी शीर्षत कपिल अशोक जिलामे बढ़ैत गरमीकेँ ध्यानमे रखैत विद्यालयक लेल विशेष निर्देश जारी कयलनि अछि। जिलामे ३० अप्रैल तक भोर ११.३० बजेसँ ४.३० बजे तक शैक्षणिक गतिविधि बंद रहत। ई आदेश १०म कक्षा धरि छात्रक लेल अछि। एहनमे ११म आ १२म केर छात्रक कक्षा पहिने जकाँ जारी रहत। ओना, कक्षा १० तकक कक्षा ११.३० बजे तक समाप्त भऽ जायत। १८ अप्रैल २०२४ केँ देल गेल कपिल अशोक केर आदेशक अनुसार गर्मी केर देखैत पटना जिलाक प्राथमिक विद्यालयक संचालन भोर ६:३० बजेसँ ११:३० बजे तक केर शिफ्टमे कयल जायत।
ई आदेश सभ निजी स्कूल, सरकारी स्कूल, पूर्व-प्राथमिक, आंगनवाड़ी केंद्र आ कक्षा १० धरि सबटा स्कूलक लेल अछि।
ई नव व्यवस्था शनिदिन २० अप्रैल, २०२४ सँ लागू होयत आ ३० अप्रैल, २०२४ धरि प्रभावी रहत। जिला मजिस्ट्रेटक आदेश पुलिस अधीक्षक, जिला शिक्षा अधिकारी आ जिला सूचना एवं जनसंपर्क अधिकारीकेँ सेहो पठाओल गेल अछि, जाहिसँ एकरा तत्काल लागू कयल जा सकय आ सबके एकर जानकारी भेटि सकय।
मई आ जूनक मासमे विद्यालय बन्द रहैत अछि। एहन स्थितिमे बच्चासभकेँ ३० अप्रैलक बाद छुट्टी होयत आ जूनमे स्कूल खुलला पर नव समय-सारणी जारी कयल जायत। मुदा, कक्षा ११ आ १२ सामान्य रूपसँ जारी रहत। गर्मीक छुट्टीमे छात्रसभ पर कोचिंग या कोनो आन माध्यमसँ अध्ययन करबा पर कोनो प्रतिबंध नहिं अछि। गर्मीक दिनमे दुपहरक समयक नीक उपयोग करबाक लेल स्कूलसभमे ऑनलाइन कक्षाक विकल्प सेहो छैक।