चुनावसॅं पहिने, एनएसयूआईक छात्र मतदाता सूची संशोधनक खिलाफ पटनामे विरोध कय रहल छलथि। पुलिस छात्रकेँ विधानसभा दिसि बढ़यसॅं रोकय लेल वाटर कैनन केर इस्तेमाल कयलक।
एनएसयूआईक छात्र बिहार चुनावसऍं पहिने मतदाता सूचीक विशेष संक्षिप्त संशोधनक खिलाफ प्रदर्शन कय रहल छलथि। पटनामे एहि जारी प्रदर्शनमे हजारों छात्र जमा भेल छलथि।
एनएसयूआई केर विरोध करय वला छात्र विधानसभाकें लेल जबरदस्ती आगू बढ़य केर कोशिश कय रहल छलथि जखन कि एकर अनुमति नहि छल। मानसून सत्रक बीच एतय धारा 144 लगाओल गेल अछि। ओना एनएसयूआई केर छात्र सभ किछ सुनय लेल तैयार नहिं छलथि ओ सभ निरंतर नारा लगा रहल छलथि ।
एनएसयूआई केर छात्रक आरोप अछि जे बिहारक शिक्षा व्यवस्था नष्ट भऽ गेल अछि। कोनो परीक्षा होइत अछि तॅं पेपर लीक भऽ जाइत अछि। काजक वादा कएल गेल अछि, मुदा काज नहि देल जा रहल अछि। एकर अलावा आओर बहुत रास समस्या अछि जकरा छात्र मुख्यमंत्री नितिश कुमारक सामने राखय चाहैत छथि। छात्रक दावा अछि जे हुनका सीएमसॅं मिलय केर अनुमति नहिं देल जा रहल अछि।
छात्र इहो मांग करैत छथि जे तीन सालमे तीन सालक डिग्री देल जाए। एकरा पाँच साल धरि विस्तार नहि देबाक चाही। दोसर, 50 प्रतिशत आरक्षणकें हटाबय केर मांग किएक अछि ? छात्र क्रेडिट कार्डक नाम पर पढ़ाई लेल छात्रकें लाखों ऋण देल जा रहल अछि, मुदा फेर नौकरी नहि देल जा रहल अछि। लाखों सरकारी नौकरी खाली अछि, तॅं भर्ती किएक नहि भ रहल अछि?
एहि ठाम एतेक भारी मात्रामे सड़क पर आबय वला छात्रकें रोकय केर पटना पुलिसक प्रयास अछि। एकरा लेल वाटर कैननक प्रयोग कयल गेल अछि। विद्यार्थी सबकें सेहो समझाओल जा रहल छल, मुदा ओ किछु सुनय लेल तैयार नहिं छलथि। छात्र बैरिकेडिंगके फंसा कय आगू बढ़ि रहल छलथि।
