दोसर दिसि आई बृहस्पति 29 मईकेँ पीएम मोदी पटना आबि रहल छथि। एहेनमे सुरक्षाकर्मी सेहो तैनात रहत। एकर मद्देनजर बीतल मंगल (27 मई, 2025) केँ पुलिस लाइनमे 16टा पुलिसकर्मीक जांच (कोरोना वायरस) लेल सैंपल लेल गेल। हालांकि समाचार सम्प्रेषण धरि रिपोर्टक बारेमे कोनो जनतब नहि भेटल छल। एनएमसीएच केर अधीक्षक डॉ. रश्मि प्रसाद कहलनि कि एनएमसीएचमे भागवत नगर आ फतुहासँ आएल दूटा मरीज कोरोना पॉजिटिव भेटल अछि। कोरोनाक मरीजक लेल एनएमसीएचमे 100 बेडक व्यवस्था कएल गेल अछि।
बीतल 17 मईकेँ स्वास्थ्य मंत्री मंगल पांडेय नव भवनक उद्घाटन कएलनि। ओ पूरा भवन कोरोना मरीजक लेल राखल गेल अछि। ओहिठाम किछु तैयारी पूरा भऽ गेल अछि आ किछु एक-दू दिनमे भऽ जायत।
माइक्रोबायोलॉजी विभागक अध्यक्ष डॉ. संजय कुमार आ इलाजक लेल औषधि विभागक अध्यक्ष डॉ. अजय कुमार सिंह’केँ नोडल पदाधिकारी बनाओल गेल अछि। अधीक्षक कहलनि कि पीपीई किट, मास्क, हैंड वॉश संग आओर व्यवस्था कयल जा रहल अछि।
