गणतंत्र दिवस, 2026 केर अवसर पर गृह मंत्रालय द्वारा घोषित होबय वाला पद्म पुरस्कार-2026 लेल ऑनलाइन नामांकन/सिफारिश 15 मार्च, 2025 सँ शुरू भऽ गेल अछि। पद्म पुरस्कारक लेल नामांकनक अंतिम तिथि 31 जुलाई, 2025 अछि। पद्म पुरस्कारक लेल नामांकन/सिफारिश राष्ट्रीय पुरस्कार पोर्टल पर ऑनलाइन प्राप्त होयत https://awards.gov.in
एहि संबंधमे विस्तृत जानकारी दैत एकटा सरकारी प्रवक्ता कहलनि जे ई पुरस्कार अर्थात पद्म विभूषण, पद्म भूषण आ पद्मश्री देशक सर्वोच्च नागरिक सम्मानमे सँ एक अछि । वर्ष 1954 मे स्थापित एहि पुरस्कारक घोषणा सभ साल गणतंत्र दिवसक अवसर पर कयल जाइत अछी। एही पुरस्कारक तहत ‘उत्कृष्ट काज’ लेल सम्मानित कयल जाइत अछी।
पद्म पुरस्कार कला, साहित्य एवं शिक्षा, खेल, चिकित्सा, समाज सेवा, विज्ञान एवं अभियांत्रिकी, लोक निर्माण, सिविल सेवा, व्यापार एवं उद्योग आदि सभी क्षेत्र/विधामे विशिष्ट आ असाधारण उपलब्धि/सेवाक लेल देल जाइत अछि। जाति, व्यवसाय, पद वा लिंगक कोनो भेदभाव रहित सब व्यक्ति एहि पुरस्कारक पात्र होइत अछि। डॉक्टर आ वैज्ञानिककें छोड़िकें अन्य सरकारी सेवक, जाहिमे सार्वजनिक क्षेत्रक उपक्रममे काज करय वाला सरकारी सेवक पद्म पुरस्कारक पात्र नहि होइत अछि।
ओ कहलनि जे, सरकार पद्म पुरस्कारकेँ “जनपद्म” बनेबाक लेल प्रतिबद्ध अछि। अत: सब नागरिकसँ आग्रह अछि जे नामांकन/सिफारिश करू। नागरिक सेहो अपन नामांकन कय सकैत अछि। महिला, समाजक कमजोर वर्ग, अनुसूचित जाति आ अनुसूचित जनजाति, दिव्यांग व्यक्ति आ समाजकें निस्वार्थ सेवामे संलग्न व्यक्तिकेँ बीचसँ प्रतिभाशाली व्यक्तिक पहिचान करय केर ठोस प्रयास कयल जा सकैत अछि, जिनकर उत्कृष्टता आ उपलब्धि सही मायनेमे पहिचानक हकदार अछि।
प्रवक्ता कहलनि कि नामांकन/सिफारिशमे पोर्टल पर उपलब्ध प्रारूपमे निर्दिष्ट सब प्रासंगिक विवरण होयबाक चाहि। जाहिमे कथात्मक रूपमे प्रशस्ति पत्र (अधिकतम ८०० शब्द) शामिल अछि, जाहिमे संबंधित क्षेत्र/विषयमे अनुशंसित व्यक्ति केर विशिष्ट आ असाधारण उपलब्धि/सेवाकेँ स्पष्ट उल्लेख कयल होय ।
