राष्ट्रीय जनता दलक राष्ट्रीय अध्यक्ष आ बिहारक पूर्व मुख्यमंत्री लालू यादव बुधदिन जनतासँ भेंट करैत कहलनि जे समय आबि गेल अछि जे हम सब एक ठाम जमा होयब। हमरा देशमे अपन सरकार बनाबयक जरूरत अछि आ तेजस्वी यादवके बिहारक मुख्यमंत्री बनाबय केर जरूरत अछि। वास्तवमे राजदक राष्ट्रीय अध्यक्ष लालू यादव बुधदिन नालंदा जिलाक इस्लामपुर पहुंचलाह आ राजद विधायक राकेश रोशन’क पिता स्वर्गीय कृष्ण वल्लभ प्रसाद’क 24म पुण्यतिथिक अवसर पर श्रद्धांजलि अर्पित केलथि। एकर बाद लालू यादव एकटा जनसभाकेँ सेहो संबोधित केलथि। मुख्यमंत्री नीतीश कुमारक गृह जिला नालंदामे लालू यादव कहलखिन जे हम तेजस्वी यादव के हर हाल मे मुख्यमंत्री बनायब।
ओ कहलनि जे हमरा लोकसभकेँ एकत्रित करबाक आ एहि देशमे अपन सरकार बनयबाक आवश्यकता अछि। आहाँके अपना माथा के केकरो सामने नहि झुकाबए के चाही। नहि हम माथा झुकेलाउ आ नहि आहाँ केकरो सामने झुकाउ।
एहि साल होबयवला विधानसभा चुनावक चर्चा करैत ओ कहलनि जे अहाँकेँ एहि देशक रक्षाक लेल एक संग ठाढ़ हेबाक चाही।
ओ उल्लेख कयलनि जे महागठबंधनक सरकार बनलाक बाद हम सभ महिलाक बैंक खातामे २५०० रुपया जमा करब, जेना झारखण्ड सरकार कयलक। लोकके मुफ्त बिजली देल जाएत। ओ आगू कहलनि जे रोजगार सेहो होयत आ हम रोजगार प्रदान करब। हम ओ करैत छी जे हम कहैत छी।
अपन संबोधनमे लालू यादव विधायक राकेश रोशनक प्रशंसा कयलनि। एहिसँ पहिने लालू यादव माँ जगदम्बा स्थान पर पूजा कयलनि आ लोदी शाहक मकबरा पर चादर चढ़ौलनि। एहि दौरान खानकाह हाई स्कूल मैदान मे पैघ संख्या मे राजद कार्यकर्ता जमा भेल।
