बिहारमे २५ सँ ३० मार्च धरि शिक्षकक लेल प्रशिक्षण कार्यक्रम शुरू कयल गेल अछि। मुदा बहुत रास शिक्षक एहि कार्यक्रममे भाग नहिं लेलनि, जाहि पर आब कार्रवाई करबाक निर्णय जारी कऽ देल गेल अछि।
बिहार शिक्षा विभाग कक्षा १ सँ ५ धरि लगभग २०,००० शिक्षकक लेल विशेष प्रशिक्षणक आयोजन कयलक अछि। ई प्रशिक्षण २५ मार्च सँ ३० मार्च धरि चलत, जाहिमे कक्षा १ सँ ५ धरिक बच्चासभकेँ पढ़ाबयवला सभ शिक्षकक लेल ई अनिवार्य अछि। होलीक समय शुरू भेल एहि प्रशिक्षणमे बहुत रास शिक्षक भाग नहिं लऽ सकल छथि। आब एहन शिक्षकक खिलाफ कार्रवाई कएल जाएत। एहि संबंधमे सब परीक्षण केंद्रक प्रधानाचार्यकेँ पत्र जारी कयल गेल अछि।
राज्यमे शिक्षकक लेल शुरू कयल गेल प्रशिक्षणमे सभटा शिक्षककेँ राज्य अनुसंधान आ प्रशिक्षण परिषद केन्द्रमे उपस्थित रहबाक आदेश देल गेल छल। मुदा होलीक कारण बहुत रास शिक्षक एहि प्रशिक्षण कार्यक्रममे शामिल नहिं भेलाह।
तेँ राज्य अनुसंधान आ प्रशिक्षण परिषद एहन शिक्षकक विरुद्ध कार्रवाई करबाक निर्णय लेलक अछि। परिषदक निदेशक एहि सम्बन्धमे सभ प्रशिक्षण केन्द्रक प्रधानाध्यापककेँ पत्र सेहो जारी कयने छथि।
‘प्रधानाध्यापक सभकेँ जारी पत्रक अनुसार २५ मार्चसँ शुरू भेल ६ दिवसीय प्रशिक्षणक सम्बन्धमे २० मार्चकेँ सभ जिला अधिकारी आ जिला कार्यक्रम अधिकारीकेँ सूचित कयल गेल छल। एकर अतिरिक्त, जिला शिक्षा अधिकारी द्वारा प्रशिक्षणक लेल शिक्षकलोकनिकेँ सेहो नियुक्त कयल गेल छल, मुदा एकर बादो कतेको शिक्षक एहि प्रशिक्षणमे शामिल नहिं भऽ रहल छथि। एहन सभ शिक्षकक खिलाफ कार्रवाई कयल जायत आ हुनकर एक सप्ताहक वेतन काटि लेल जायत।’
राज्यक प्राथमिक विद्यालयक शिक्षकक लेल २५ मार्च सँ ३० मार्च धरि छह दिवसीय प्रशिक्षण कार्यक्रम शुरू कयल गेल अछि। एहि कार्यक्रममे सभ शिक्षकक भाग लेब अनिवार्य कऽ देल गेल छल। आब शिक्षक संघ शिक्षा विभाग द्वारा छुट्टीक दौरान एहि कार्यक्रमकेँ शुरू करबाक विरोध कऽ रहल अछि। एहि विरोधमे बहुत रास राजनीतिक सङ्गठन सेहो शिक्षक सङ्घक समर्थन कऽ रहल अछि।
