अधिकारीसभकेँ निर्देश देलनि जे प्राप्त सार्वजनिक शिकायतकेँ गम्भीरतासँ लेल जाय आ सर्वोच्च प्राथमिकताक संग ओकर निपटानमे तेजी आनल जाय।
*
मधुबनी समदिया
*
जिलाधिकारी अरविन्द कुमार वर्मा कलेक्ट्रेट स्थित अपन कार्यालय कक्षमे आयोजित जनताक दरबारमे जिलाधिकारी कार्यक्रममे आयल ११५ टा शिकायतकर्तासँ भेंट केलनि आ हुनकर समस्या सुनलनि, जाहिमे बहुत रास मामिलामे ओ स्वयं संबंधित अधिकारीसँ टेलीफोन पर बात केलनि आ ओकरा तुरंत निष्पादित करबाक निर्देश देलनि, शेष आवेदन समय पर निष्पादनक लेल संबंधित विभागक अधिकारी लग भेजल जयबाक आ कार्रवाई केर जानकारी देबाक निर्देश देल गेल।
प्राप्त शिकायतमे भूमि अतिक्रमण, भूमि विवाद, नल-जल योजना, आपसी विवाद, सार्वजनिक वितरण आदिसँ सम्बन्धित मामिला सबसँ बेसी पाओल गेल। एकर अतिरिक्त सामाजिक सुरक्षा योजना, बाल विकास परियोजना, शिक्षा सहित अन्य कार्यालय सभमे सेहो लम्बित मामिला प्राप्त भेल।
अतिक्रमण मामिलाक संबंधमे शिकायतकर्ता महेश यादव मधुबनी द्वारा शिकायत कयल गेल छल। राजनगर ब्लॉकक निवासी जैतून खातून द्वारा निजी जमीन पर अतिक्रमणक शिकायत कयलनि। लौकही प्रखण्डक धतापूर गाम निवासी सीताराम यादव पर्चासँ प्राप्त जमीन पर अतिक्रमण केर शिकायत कयलनि। जिलाधिकारी नहिं केवल शिकायतकर्ताक समस्या सुनलखिन बल्कि ओहि समस्याक संबंधमे संबंधित अधिकारीकेँ कतेको जरूरी निर्देश सेहो देलखिन। ओ उपस्थित अधिकारीसभकेँ निर्देश देलनि जे प्राप्त सार्वजनिक शिकायतकेँ गम्भीरतासँ लेल जाय आ सर्वोच्च प्राथमिकताक संग ओकर निपटानमे तेजी आनल जाय। एहि अवसर पर अन्य अधिकारीगण उपस्थित छलाह।
