मंत्री प्रेम कुमार कहलनि जे एनडीएमे सीएम कैंडिडेट के ल’ क’ कोनो असमंजस नहिं अछि। महागठबंधनमे मुख्यमंत्री चेहरा पर सहमति नहिं अछि। कांग्रेस तेजस्वी यादवक नाम पर तैयार नहिं अछि।
दिल्लीमे बिहार चुनावक ल’ क’ एनडीए केर बैठक भेल। एकर बाद बीजेपी कोटा केर मंत्री प्रेम कुमार बड़का दावा कएलनि। ओ कहलनि जे नीतीश कुमार एकमात्र एनडीए केर मुख्यमंत्री चेहरा छथि। पार्टीक जे निर्णय भेल अछि, तकरा संग हम सभ छी।
दिल्लीमे बुधकेँ जे फैसला भेल तकर अनुसार नीतीशे कुमार नेतृत्व करताह। ई स्वाभाविक अछि जे नीतीशक चेहरा बनाओल गेल तऽ वैऽह सीएम कैंडिडेट छथि। मंत्री प्रेम कुमार कहलनि जे एनडीएमे सीएम कैंडिडेट के ल’ क’ कतहु कोनो असमंजस नहिं अछि। महागठबंधनमे मुख्यमंत्री चेहरा पर सहमति नहिं अछि। कांग्रेस तेजस्वी यादवक नाम पर तैयार नहिं अछि।
ओतहि मंत्री प्रेम कुमारक दावा पर आरजेडी विधायक अख्तरुल इस्लाम शाहीन कहलनि जे नीतीश कुमारकेँ सीएम कैंडिडेट भाजपा जँ एनडीए केर मानि लेलक अछि त ई मतलब अछि जे भाजपा लग अपन कोनो चेहरा नहि अछि, मुदा नीतीशकेँ भाजपा चुनाव जीतला पर सीएम नहि बनाओत। जे शिंदे संग महाराष्ट्रमे भेल ओ नीतीश संग होएत। तेजस्वीक नाम पर महागठबंधनमे सहमति अछि। कांग्रेस सेहो तैयार अछि। महागठबंधनक मुख्यमंत्री चेहरा तेजस्वी छथि।
मंत्री प्रेम कुमारक दावा पर जदयू कोटाक मंत्री मदन सहनी कहलनि जे जँ भाजपा ई विधिवत रूपसँ कहि रहल अछि जे नीतीश मुख्यमंत्री चेहरा छथि। ई तय भ’ गेल अछि तँ एकरा हम स्वागत करैत छी। ई नीक बात अछि, ई पहिनेसँ तय अछि जे नीतीश नेतृत्व करताह आ मुख्यमंत्री चेहरा छथि। महागठबंधनमे तेजस्वी यादवकेँ ल’ कऽ सिर फुटौव्वल अछि। कांग्रेस तेजस्वी केँ सीएम कैंडिडेट मानबाक लेल तैयार नहि अछि।
बीजेपी सांसद संजय जसवालक आवास पर बिहार चुनावक लेल एनडीए केर एकटा महत्वपूर्ण बैठक भेल अछि। चुनावी रणनीति पर चर्चा भेल अछि। एहि बैठक पर प्रेम कुमार दावा कएलथि जे ई तय भऽ गेल अछि जे नीतीश कुमार मुख्यमंत्रीक चेहरा छथि।
