एनडीए उम्मीदवार विवेक ठाकुरक समर्थनमे नवादामे एकटा जनसभाकेँ सम्बोधित करैत नीतीश कुमार लालू परिवारपर तीक्ष्ण हमला कयलनि।
लोकसभा चुनावक बारेमे हलचल तेज भऽ गेल अछि। आब राज्य आ राष्ट्रीय स्तरक नेता सेहो अपन उम्मीदवारक जीत सुनिश्चित करबाक लेल पूरा ताकत लगा रहल छथि। बिहारक मुख्यमंत्री नीतीश कुमार शुक्रदिन वारसलीगंजक माफी गढ़ मैदानमे नवादा संसदीय क्षेत्रसँ भाजपाक एनडीए समर्थित उम्मीदवार विवेक ठाकुरक समर्थनमे एकटा जनसभाकेँ संबोधित कयलनि।
मुख्यमंत्री नीतीश कुमार तेजस्वी यादव पर राज्यमे नौकरी देबाक श्रेय लेबाक सवाल करैत कहलनि जे पहिने हुनकर माता-पिता बिहारकेँ लूटि लेलनि। ओकर बाद बेटा सेहो गप्प हँकैत रहैत अछि। जखन हम हुनका मौका देलहुं तखन ओ सत्तामे आबि गेलाह। ओ सभ कोन काज कयलक, हम सभ काज कयलहुँ। तकर बाद ओ बकवास करए लगलाह, तेँ हम हुनका हटा कए भाजपामे शामिल भऽ गेलहुँ। आब हम एही एनडीएमे रहब।
मुख्यमंत्री नीतीश कुमार २००५ सँ पहिने लालू यादव आ राबड़ी देवीक शासन पर सेहो हमला कयलथि। ओ कहलनि जे जँ बिहारमे एनडीए सरकार नहिं बनैत तँ एहिठामक लोक अपन घरमे सुतल रहैत, हुनका कोनो काज नहिं भेटैत। जखनि हम सत्तामे अयलौंह तखनि उच्च शिक्षामे सबके समान अधिकार भेटल। जखन हम अयलौंह तखन बिहारमे विकास भेल, ओहिसँ पहिने बिहारमे किछु नहिं छल। सड़क नहिं छल, लोक पैदल चलैत छल। घरसँ बाहर निकलनाइ मुश्किल छल।
मुख्यमंत्री नीतीश कुमार भाई-भतीजावाद पर हमला करैत कहलनि जे किछु लोक मात्र अपन परिवारकेँ आगू बढ़ेबामे लागल छथि। देखू एके परिवारक कतेक लोक चुनाव लड़ि रहल छथि। पहिने पति-पत्नी आ आब बेटा-बेटीकेँ टिकट बाँटल जा रहल अछि। अहां अपने देखू, हम १८ सालसँ रहलहुँ छी, मुदा की हम कहियो अपन परिवारक केकरो आगू कयलौंह, की कियो हमर परिवारकेँ जनैत अछि ? मुदा अहाँ देखैत छी जे जखन एहि लोकसभकेँ मौका भेटैत अछि तँ ओ अपन परिवारकेँ आगू बढ़बैत छथि।
