चुनावी साल अछि तऽ नीतीश कुमार आब हर वर्गकेँ साधयमे जुटल छथि। कैबिनेटमे लेल गेल कतेको निर्णय ओहि मास्टर प्लानक हिस्सा अछि।
मुख्यमंत्री नीतीश कुमारक अध्यक्षतामे बुध (29 जुलाई, 2025) केँ मुख्य सचिवालयक कैबिनेट हॉलमे कैबिनेटक बैठक भेल। एहि बैठकमे 41 एजेंडापर मुहर लगल। पत्रकार सभक पेंशन राशि 6000 सऽ 15000 करबाक निर्णय पर सेहो मुहर लगि गेल। संगहि बिहार राज्य सफाई कर्मचारी आयोगक गठन कऽ स्वीकृति देल गेल। दोसर दिसि बिहार राज्य युवा आयोगमे छह पदक स्वीकृति देल गेल अछि।
चुनावी साल अछि तऽ नीतीश कुमार आब हर वर्गकेँ साधयमे लगल छथि।
ओम्हर सात डॉक्टर सभकेँ बर्खास्त कएल गेल। पटनासँ एम्स एनएच-98 सँ दीघा रेल सह सड़क पुलसँ अशोक राजपथक अतिरिक्त कनेक्टिविटीक लेल 1368 करोड़ 46 लाखक राशि स्वीकृत कएल गेल अछि। सरकारी सेवामे अनुपस्थित रहबाक आरोपमे कुल सात डॉक्टर सभकेँ बर्खास्त कएल गेल अछि।
बिहार पशु चिकित्सा सेवा (नियुक्ति आ विशेष शर्त) संशोधन नियमावली 2025 केर गठन पर मंजूरी भेटाल अछि। राजगीर खेल अकादमी हेतु 1100 करोड़, बिहार अमीन संवर्ग नियमावली 2025 केर स्वीकृति भेटल अछि। गन्ना उद्योग विभाग बिहार ईंख सेवा (भर्ती आ सेवा शर्त), संशोधन नियमावली 2025 केँ स्वीकृति भेटल अछि। राजगीर खेल अकादमी हेतु 1100 करोड़क मंजूरी देल गेल अछि। आंगनबाड़ी आ पोषण योजना 2.0 केँ मंजूरी भेटल अछि। प्राथमिक विद्यालय केर निर्माण हेतु 270 करोड़ रुपयाक मंजूरी भेटाल अछि। छपरा जिलामे फ्लाईओवर केर निर्माण हेतु 696 करोड़ 26 लाख रुपया केर मंजूरी देल गेल अछि। पर्यटन विभागकेँ तरफसँ सीतामढ़ी केर पुनौरा धाम मंदिर केर समीप पर्यटकीय विकास आ आधारभूत संरचनाक निर्माण हेतु 50.50 एकड़ भूमि अधिग्रहित करबाक लेल 120 करोड़ 58 लाख 67 हजार 175 रुपये केर राशिकेँ संशोधित कय आब 165 करोड़ 57 लाख 16 हजार 104 रुपया कय देल गेल अछि।
