शहर केर जामसँ मुक्त करबाक आ यातायात केर आसान बनेबा लेल प्रशासनिक प्रयास तेज कयल गेल अछि। एकरा तहत ई-रिक्शा चालकक बीच मार्ग निर्धारण केर संबंधमे वृहस्पति दिन ट्रैफिक थानामे दू सयसँ बेसी पंजीकरण कयल गेल।
ट्रैफिक डीएसपी प्रवीण कुमार कहलनि जे, आइ शहरवासी लेल शुभ दिन अछि। आइसँ शहरक सबटा ई-रिक्शा चालकक बीच तीन भागमे मार्ग बांटल गेल अछि। सब ई-रिक्शा चालककेँ खुद रजिस्ट्रेशन कराबय पड़त जाहिसँ हुनका कोनो तरहक समस्याक सामना नहि करय पड़य।
एहि लेल जकर कागजात पूर्ण रूपसँ सही अछि ओकरा परमानेंट नंबर पी कार्ड देल जा रहल अछि। जिनकर कागजात आधा अपूर्ण अछि, हुनका सभकेँ टी कार्ड देल जा रहल अछि आ जिनका लग पुरान गाड़ी अछि, पुरान रिक्शा अछि, हुनका संबंधमे जिला परिवहन अधिकारी आ संबंधित प्राधिकरणसँ गप कयलाक बाद व्यवस्था भऽ रहल अछि।
ओ सब कार्ड पर रूट मैप सेहो लिखल गेल अछि। डीएसपी प्रवीण कुमार कहलनि जे, सब ई-रिक्शा चालक अपन निर्धारित मार्गक अनुसार गाड़ी चलाओत। एहिसँ शहरमे जामसँ काफी राहत भेटत। ओ कहला जे एकरा लेल शिविरक आयोजन कयल जाएत आ एकरा बहुत जल्द लागू कयल जाएत।
गांधी पथ निवासी ई-रिक्शा चालक वेदानंद शाह कहल शहरमे ई-रिक्शा मार्गक स्थापनासँ बहुत खुश छथि। ओ सब लोक अपन-अपन रूट पर गाड़ी चलौताह। एहिसँ जामक समस्यासँ राहत भेटत। ओ सभ ई-रिक्शा चालकसँ यातायात विभागक निर्देशक पालन करबाक अपील कयलथि। राजेन्द्र शाह कहला जे एहि रूट निर्धारणसँ हमरा सभकेँ काफी सुविधा भेटत संगहि बाहरसँ आबय वाला आ रिक्शा चलाबय वाला ड्राइवर पर सेहो नियंत्रण होएत।
जनतब दी जे ट्रैफिक डीएसपी प्रवीण कुमार हेलमेट पहियबाक शत-प्रतिशत लक्ष्य तय कयलनि अछि। एकर अलावा एकरा लेल रोजाना वाहन जांच अभियान चलाओल जा रहल छै । जेकर वजहसँ ड्राइवरक बीच हेलमेट पहिरबाक प्रवृत्ति काफी बढ़ि गेल अछि।
