‘जहिना 15 साल पुरान वाहनक सड़क पर चलबा पर रोक लागल अछि, तहिना बिहारमे नीतीश कुमारकेँ नेतृत्व वाला सरकार जे पिछला 20 सालसँ सत्तामे अछि, ओकरा बदलल जयबाक चाही।’ राष्ट्रीय जनता दल (राजद) नेता तेजस्वी यादव ई बात कहलनि। बिहार सरकार पर प्रहार करैत ओ कहलनि जे “दू दशक पुरान सरकारकेँ ओहिना बदलबाक समय आबि गेल अछि जेना राज्य प्रदूषणक कारण १५ साल पुरान वाहनक उपयोगपर रोक लगा देलक अछि। यादव कहलनि जे बिहारमे भारतीय जनता पार्टी (भाजपा)क नेतृत्ववला राष्ट्रीय जनतांत्रिक गठबंधन (राजग) सरकार आब राज्यक जनता पर “बोझ” बनि गेल अछि।”
ओ कहलनि, “15 साल पुरान वाहनकेँ चलबाक अनुमति नहि अछि किएक तँ ई बेसी धुआँ छोड़ैत अछि, प्रदूषण बढ़बैत अछि आ जनताक लेल हानिकारक अछि, तखनि 20 साल पुरान राजगक 20 साल पुरान जोड़-तोड़, पलटा-पलटी सरकार किएक चलत ?” हर बस्ती, हर गाममे गरीबी, बेरोजगारी, भ्रष्टाचार, अपराध आ पलायनक भयानक प्रदूषण अछि।’’
तेजस्वी कहलनि, “नीतीश-भाजपा सरकार 20 सालमे दू पीढ़ीक जीवन बर्बाद कयलक अछि। आब ई सरकार बिहारक जनता पर बोझ बनि गेल अछि। आब एकरा बदलब बहुत जरूरी अछि। ओ कहलनि, “बिहारक युवा 20 साल पुरान जीर्ण, क्षीण, बीमार आ थकल अविश्वसनीय नीतीश-राजद सरकारकेँ हटा कए नव सोच, नव दृष्टिकोण, नव उत्साहवाला युवा, रोजगार आ विकास पर केन्द्रित नव जोश आ नव दिशा वाला समर्पित नव सरकार आनबाक आ नव बिहारक निर्माण करबाक संकल्प लेलनि अछि।”
जनता दल (यूनाइटेड)क नेता नीतीश कुमार २०१३मे भाजपासँ सम्बन्ध तोड़ि लेने छलाह। 2015 सँ 2017 केर बीच राजदक संग सत्ता साझा कएलाक बाद ओ भाजपामे वापिस आबि गेलाह। ओह २०२२मे राजदक नेतृत्ववला ‘महागठबंधन’मे फेरसँ शामिल भेलाह मुदा पछिला साल फेरसँ राजगमे घुरि अयलाह।
