जीतन राम मांझी काल्हि कहलनि जे, 2020 केर विधानसभा चुनावक दौरान चिराग पासवान सेहो एहने बयान देने छलाह। पहिने जे होइत छल से चिराग नहि देखने छथि। एनडीए केर बैसार भेला पर हुनका बजबाक चाही।
शनिदिन चिराग पासवानकें देल गेल बयानके ल कऽ जीतन राम मांझी हमला कयलनि, ओ कहलनि जे, “चिरागकें राजनीतिक अनुभव बहुत कम अछि, हुनकर पिताक राजनीतिक अनुभव बहुत छल। चिराग पासवान बहुत कम समयसॅं राजनीति कय रहल छथि। बिहारमे कानून व्यवस्थाक स्थिति 2005 सॅं पहिने एहेन चिंताजनक नहि अछि, चिराग पासवानमे अनुभवक कमी अछि।”
जीतन राम मांझी कहलनि जे बिहारमे कानून व्यवस्थाक स्थितिकें बेहतर बनेबा लेल काज कयल गेल। एहिसॅं पहिने कोनो अपराध भेलाक बाद अपराधी मुख्यमंत्री आवास पर जाइत छल। चिराग पासवान केर इहो पता हेबाक चाही जे पहिने अपराधीकें समझौताक बाद छोड़ि देल जाइत छल, मुदा आब एहेन नहि अछि। चिराग पासवान 2020 केर विधानसभा चुनावक दौरान सेहो एहने बयान देने छलाह। चिराग पासवान पहिने की भेल से नहि देखलनि।
जीतन राम मांझी कहलनि जे हमरा खुशी अछि जे हम बिहारमे एहेन सरकारक समर्थन कय रहल छी जे अपराध आ अपराधीसॅं समझौता नहि करैत अछि, एहिसॅं सभ आपराधिक घटनाक खुलासा तॅं होइत अछि, संगहि घटनामे शामिल अपराधीकें सेहो सलाखक पाछु पठा देल जाइत अछि, हमरा सबकें गर्व अछि जे बिहारमे एनडीएक नेतृत्वमे सुशासनक सरकार अछि।
एनडीएमे सीट बंटवारा पर मांझी कहलनि जे जुलाईमे बैसार हेबाक अछि। 15 अगस्त धरि एनडीएमे सबटा सीट बंटवारा पर चर्चा भऽ जाएत। जीतन राम मांझी एक तरहसॅं इ संकेत दऽ रहल छथि जे चिरागक कारण राजग असहज महसूस कय रहल अछि, मांझी कहि रहल छथि जे ओ एहि तरहक काज पहिने सेहो कयलनि। जीतन राम मांझी इ बुझि रहल छथि जे नीतीश कुमारकें कमजोर करबाक प्रयास भऽ रहल अछि।
